1 Samuel 2:34 - Chayahuita (Shahui)

^34-35 Huiꞌnanpita Opini, Pinisë, inapita naporo tahuërirachin chiminaponaꞌ. Napotëranquënsoꞌ nanicaso marëꞌ napoaponaꞌ. Ina quëran aꞌna corto huaꞌan co quëmá quëran pipirinsohuëꞌ acoarahuë. Ina tëhuënchinsoꞌ natëarinco. Yaꞌipi camairahuësoꞌ, inaso nicapon. Ina acohuato, carinta noya aꞌpaiarahuë. Ina quëran pipipisopitanta inapotarahuë. Insosona copirno huayonpato, ina marëꞌ sacataponaꞌ.

1 Samuel 2:34 ပူးပေါင်းရင်းမြစ်များ

Lucas 2:12

Inaquë paꞌpatamaꞌ, huaꞌhuishin quënanconaramaꞌ. Nëꞌmëtërinquë soꞌquëëtahuatonaꞌ, ohuaca coshatërinquë acopi. Ina quëran nohuitaramaꞌ,” itërin.

1 Samuel 10:7

Yaꞌipi inapita nanihuachin, maꞌsona noya nicacaso yonquiransoꞌ, niquëꞌ. Naporo Sinioro catahuararinquën huachi.

1 Samuel 2:33

Aꞌna tëranta quëmá quëran pipirinsoꞌ artaronëhuëquë corto huaꞌan pochin sacatohuachin, noyapataton sëtápon. Sëtaton naꞌnërápaton, somaraya pochin quëparitarin. Naporahuaton napotëranquënso chachin nisarin. Co aꞌnaya tëranta quëmá quëran pipirinsoꞌ mashotaquë huarëꞌ nanpiponhuëꞌ.

1 Samuel 3:12

Naporo tahuëri chachin Iri napotërahuësoꞌ, naniarin. Nani ina, huiꞌninpitarë chachin maꞌsona onpotaꞌhuasoꞌ shaꞌhuitërahuë.

1 Samuel 4:11

Yosë caposonëonta osërëtopi. Iri huiꞌninpita Opini, Pinisë, inapitanta tëpapi.

1 Samuel 4:17

—Huiristinoꞌsa canatonacoi paꞌpi notohuaroꞌ tiquirinacoi. Huiꞌnanpitantaꞌ, cato chachin tëpapi. Napotohuachinacoira napopinchin taꞌarai. Yosë caposonëontaꞌ, osërëtërinënpoaꞌ, itërin.

1 Samuel 4:21

Napoaponahuëꞌ, coꞌhuara chiminyátëraponhuë huaꞌhuin nohuitaton: Icapoti, itërin. “Siniororëꞌquënpoa anoyatërëhuaso caposonën iporasoꞌ inimiconënpoapita osërëtërinënpoaꞌ. Napoaton co huachi inso tëranta tëꞌhuatiinpoaso yaꞌhuërinhuëꞌ, taꞌto, ina pochin huaꞌhuahuë nohuitarahuë,” tënin. Siniororëꞌ anoyatopiso caposonën osërëtopi. Soꞌin, shiin, inapitanta chiminpi niꞌton, naporin.