1 Samuel 2:25 - Chayahuita (Shahui)

²⁵ Aꞌna piyapi maꞌsha onpotohuachinpoaꞌ, Sinioro nanitërin paꞌpoyainpoasoꞌ. Napoaponahuë Sinioro maꞌsha onpotohuatëhuaꞌ: ¡Co insonta yaꞌhuërinhuëꞌ paꞌpoyainpoasoꞌ!” itërin. Napotopirinhuëꞌ, inahuariso co paꞌpina yanatëpihuëꞌ. Siniorori nani chinotërin tëpacaso niꞌton, co natëtopihuëꞌ.

1 Samuel 2:25 ပူးပေါင်းရင်းမြစ်များ

Génesis 38:10

Onan naporinso Sinioroso nitotaton, chiníquën noꞌhuitërin. Napoaton inantaꞌ, ina nohuanton chimiantarin.

Génesis 38:7

Acoantopirinhuëꞌ, Iri co noyahuëꞌ nininsoꞌ co Sinioro costarinhuë niꞌton, ina nohuanton chiminin.

1 Reyes 8:31

Maꞌsha nionpotopisoꞌ nishaꞌhuirapihuachinaꞌ, insosona shaꞌhuirapipisoꞌ artaronën notënanquë paꞌsarin. Chinotatënën maꞌsha tëparahuatona ahuiquitopiquë paꞌsarin. Topinan quëran napotohuachinaꞌ: ‘Yoscoarëꞌ co naporahuëꞌ,’ tapon.

1 Reyes 8:32

Naporinso natanahuaton, noꞌtëquën nonsahuachin paꞌpoyaquëꞌ. Insosona tëhuëhuachin, noꞌtëquën anaꞌintëquëꞌ.

Salmos 51:16

“Oshanëhuë marëꞌ maꞌsha tëpato yaꞌipi ahuiquichi,” topirahuë, co ina nohuantëranhuëꞌ.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Proverbios 13:1

Yonquínahuan huiꞌnapi nipachin, paꞌpini pënënaton anaꞌintohuachina, noya cancantërin. Co natantonhuëꞌ nininsosoꞌ, co pënënacasoꞌ tëranta nohuantërinhuëꞌ.

Proverbios 15:10

(-)

Eclesiastés 3:3

Maꞌsha onpotacaso tahuëri. Nonëntacaso tahuëri. Maꞌsha ninësoꞌ, oquicaso tahuëri. Oquirësonta anoyataantacaso tahuëri.

1 Timoteo 2:5

Yosëíchin chinotacasoꞌ yaꞌhuërin. Oshahuanëhuaꞌ niꞌton, inimicotopirëhuahuëꞌ, Quisocristo nanan anoyatërinpoaꞌ. Inasáchin Yosë anohuitërinpoaꞌ. Inasoꞌ Yosë niponahuëꞌ, piyapi chachin nasitimarin.

Hebreos 10:26

Quisocristo nanamën nani nitotërëhuaꞌ. Nitotarihuarahuëꞌ, naquëranchin naquëranchin co noyahuëꞌ nipatëhuaꞌ, aꞌpopisopita pochin cancantararihuaꞌ. Aꞌpohuatëhuaꞌ, co insontaꞌ nanitarinhuëꞌ oshanënpoaꞌ inquitinpoasoꞌ.

Hebreos 10:27

Ina quëran paꞌpi tëꞌhuatacasoꞌ yaꞌhuërin. Yosë chiníquën anaꞌintarinpoaꞌ. Aꞌna tahuëri inimiconënpita pënquë aꞌpararin.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

1 Samuel 3:14

Napoaton: “Caso Yosëco niꞌto, Iri huiꞌninpitarë chachin co noyahuëꞌ nicatona oshahuanpisoꞌ, co onporonta inquitarahuëꞌ. Onponta oshanëna marëꞌ maꞌsha tëpapirinahuëntaꞌ, co inquitarahuëꞌ. Maꞌpitaso quëshihuachinacontaꞌ, co inquitarahuëꞌ,” itërin.