1 Samuel 2:22 - Chayahuita (Shahui)

²² Iri corto huaꞌanso nipirinhuëꞌ, nani noyá mashotërin. Napoaponahuëꞌ, cato huiꞌninpita napopisoꞌ natantárin. Israiroꞌsa Sinioro marëꞌ maꞌsha tëpahuachinara, napotopiso natantërin. Sanapiꞌsanta Yosë marëꞌ sacatopisopita, ichihuëꞌëpiso natantërin. Ina sanapiꞌsasoꞌ, Yosë chinotacaso nëꞌmëtë pëi yaꞌcoanaquë sacatopirinahuëꞌ, inapotopi.

1 Samuel 2:22 ပူးပေါင်းရင်းမြစ်များ

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

Génesis 37:2

Cacopo huiꞌninpita naporinso shaꞌhuichinquëma nitotocoꞌ. Cosi shonca canchisë piꞌipitapon pochin, iinpitarë chachin paꞌpin ohuicanënpita aꞌpairin. Paꞌpin cosonanënpita: Pira, Siripa, inapita huaꞌhuinpitarëꞌ aꞌpairin. Iinpitaso co noyahuëꞌ nipi niꞌton, Cosisoꞌ paꞌpinquë yáshaꞌhuirapirin.

1 Samuel 2:23

Ina natantaton huiꞌninpita itapon: “Canpita paꞌpi co noyahuëꞌ nisaramasoꞌ, naní quëran shaꞌhuitërinaco. ¡Ama huachi ina pochin nicosohuëꞌ!

1 Samuel 3:13

Ina quëran pipipisopita anaꞌintomiataꞌhuaso yaꞌhuërinsontaꞌ, nani shaꞌhuitërahuë. Huiꞌninpita paꞌpi co noyahuëꞌ nipiso marëꞌ napotarahuë. Nani ina nitotërin. Huiꞌninpita nocaninaco nipirinhuëꞌ, co inari pënëninhuëꞌ.

1 Samuel 8:1

Samoirosoꞌ mashotërin huachi. Mashotohuachina, israiroꞌsa huaꞌanëntacaiso marëꞌ huiꞌninpita acorin.