1 Samuel 2:19 - Chayahuita (Shahui)

¹⁹ Nani piꞌiquë paꞌpin, aꞌshin, inapitaso Yosë chinotacaso nëꞌmëtë pëiquë paꞌpi. Sinioro marëꞌ maꞌsha tëpacasoꞌ nininsoꞌ quëparahuatonaꞌ, ina marëꞌ tëpapi. Naporahuaton, nani paꞌpiquë aꞌshini aꞌmocaso nitërinsoꞌ quëpatërin.

1 Samuel 2:19 ပူးပေါင်းရင်းမြစ်များ

1 Samuel 1:21

Ina piꞌi niantarinquë Iricanasoꞌ, Siroquë paantarin. Saꞌin, huiꞌninpita, inapitarë chachin paꞌsahuatonaꞌ, Sinioro shaꞌhuitërinsoꞌ quëpatërin. Naporahuaton nani piꞌiquë Sinioro marëꞌ maꞌsha tëpacasoꞌ nininsoꞌ quëpatërin.

1 Samuel 1:3

Nani piꞌiquë Iricanasoꞌ, Siro ninano itopiquë paꞌnin. Sinioro yaꞌipi nanitaparinsoꞌ chinotacaso marëꞌ paꞌnin. Inaquë nipachina maꞌsha tëparahuaton ina chinotërin. Inaquë Iri itopisoꞌ corto huaꞌan huiꞌninpita catoyaꞌpi sacatopi. Inapitasoꞌ Opini, Pinisë, inapita itopi. Inapitanta corto huaꞌanoꞌsa nicatona Sinioro marëꞌ sacatopi.