1 Samuel 2:12 - Chayahuita (Shahui)

¹² Iri huiꞌninpitasoꞌ, co noyahuëꞌ cancantopi. Napoatonaꞌ, co Sinioro tëranta tëꞌhuatatonaraihuëꞌ, co noyahuëꞌ nisápi.

1 Samuel 2:12 ပူးပေါင်းရင်းမြစ်များ

Jeremías 2:8

Corto huaꞌanoꞌsa co yonirinacohuëꞌ. Piyapinëhuëpita aꞌchinaꞌpiroꞌsantaꞌ, co nohuitërinacohuëꞌ. Huaꞌanënapita co yanatërinacohuëꞌ. Pënëntonaꞌpiroꞌsanta Paaro marëꞌ pënëntonpi. Mamanshiroꞌsa co máquënhuë nipirinhuëꞌ, inapita imapi.

Jeremías 9:3

Sinioro naporin: “Israiroꞌsasoꞌ, pëꞌchinanquë shinërë aꞌparëso pochin nonpinchináchin cancantopi. Co huachi noꞌtëquën nonpihuëꞌ. Ninonpintápi. Napoaton aquë aquëtë co noyahuëꞌ yaꞌhuëpi. Co insonta yanohuitërincohuëꞌ. Ca Sinioroco shaꞌhuitaranquëmaꞌ:

Juan 16:3

Co Tata Yosë nohuitopihuëꞌ. Cantaꞌ huiꞌninco nipirahuëꞌ, co nohuitërinacohuëꞌ niꞌtonaꞌ, aparisitarinënquëmaꞌ.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

Romanos 1:21

Yosë yaꞌhuërinsoꞌ nitotaponaraihuëꞌ, co ina chinotopihuëꞌ. Ina nohuanton, nani maꞌsha yaꞌhuëtopirinahuëꞌ, co ina marëꞌ “Yosparinquën Sinioro,” co itopihuëꞌ. Nisha nisha yonquiatonaꞌ, chihuërinso pochin nipi. Tashi pochin cancantopi.

2 Corintios 6:15

Quisocristo sopairëꞌ co napopináchin yonquipihuëꞌ. Naporahuaton, canpoasoꞌ Quisocristo imarëhuaꞌ niꞌton, co oshahuanoꞌsa pochin cancantërëhuahuëꞌ.

1 Samuel 10:27

Aꞌnaquëniso napoaponahuëꞌ, nocanatona itaponaꞌ: “¡Co onporonta isoso inimiconënpoapita quëran nichaꞌësarinpoahuëꞌ!” topi. Napotatona nocanpi. Naporahuaton co maꞌsha tëranta noya nicatonaꞌ, nicarapihuëꞌ. Saonoso nipirinhuëꞌ, napopisoꞌ natanaponahuëꞌ, co nataninhuë pochin ninin.

1 Samuel 3:13

Ina quëran pipipisopita anaꞌintomiataꞌhuaso yaꞌhuërinsontaꞌ, nani shaꞌhuitërahuë. Huiꞌninpita paꞌpi co noyahuëꞌ nipiso marëꞌ napotarahuë. Nani ina nitotërin. Huiꞌninpita nocaninaco nipirinhuëꞌ, co inari pënëninhuëꞌ.

1 Samuel 3:7

Samoiroso Yosë yaꞌhuërinso nitotaponahuëꞌ, co nohuichátërarinhuëꞌ. Napoaton nontopirinhuëꞌ, “Iri nontarinco,” tënin.