1 Samuel 2:10 - Chayahuita (Shahui)

¹⁰ Siniorosoꞌ yaꞌipi inimiconënpita ataꞌhuantarin. Noꞌhuiton inápa quëran huira aꞌpatiimapon. Yaꞌipi isoroꞌpaquë yaꞌhuëpisopita, Siniorori noꞌtëquën shaꞌhuitapon. Noꞌtëquën shaꞌhuitaton, yonsha paꞌpaarëso pochin nitapon. Copirno marëꞌ huayoninsoso nipirinhuëꞌ, chini chiníquën nanan quëtapon,” tënin Ana Yosë chinotaton.

1 Samuel 2:10 ပူးပေါင်းရင်းမြစ်များ

2 Samuel 22:14

Chini chiníquën nanantonaꞌpi Sinioronquën nipiranhuëꞌ, anoꞌhuitërinën. Noꞌhuitaton huira pochin: ‘Sharí,’ tënan.

2 Samuel 7:13

Ina huachi pëinëhuë nitarinco. Ca nohuanto ina yaꞌconaton, huaꞌanëntomiatapon.

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

Copo naporinso' 40:9

¡Quëmasoꞌ co ca pochin chiníquën nanantëranhuëꞌ! Caso nonpatora, huira pochin yaꞌcanin nonahuësoꞌ. ¡Quëmaso nonpatana, co ina pochin nonanso yaꞌcaninhuëꞌ!

Salmos 148:14

¡Piyapinënpitanpoa chiníquën nanan quëtërinpoaꞌ! Yaꞌipi imarinsopitari chinochinaꞌ. Israiroꞌsanpoasoꞌ, cancantërinpoaꞌ. Ina piyapinënpoa ninëhuaꞌ. ¡Ma noyacha Sinioroso paya!

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Salmos 2:6

“Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

Salmos 2:9

Huaꞌna huaraquë copirnoroꞌsa ataꞌhuantaran. Noꞌpaꞌ huëꞌëta nipatërëso pochin nitaran,’ itërinco,” tënin.

Salmos 89:17

Tëhuënchachin quëma catahuarancoi niꞌton, chiníquën cancantarai. Naporahuatoi, noya noya yaꞌnoarai. Noya yonquirancoi niꞌton, chini chiníquën nanantarai.

Salmos 89:24

Cari nosoroato catahuarápo. Ca nohuanton chini chiníquën nanantapon.

Salmos 89:25

Chiníquën nanantaton huaꞌanëntapon. Marë Pancaiꞌ quëran Iopiratisëiquë huarëꞌ huaꞌanëntapon.

Salmos 96:13

¡Sinioro oꞌmaton huaꞌanëntarinpoa niꞌton, napoapi! ¡Yaꞌipi piyapiroꞌsa noꞌtëquën huaꞌanëntarin! Noya coisë pochin nicaton, huaꞌanëntarinpoaꞌ.

Éxodo 15:6

Sinioro. Ma noyacha ninan paya. Chini chiníquën nanantaton, inimicoroꞌsa paꞌsa paꞌsatëran.

Isaías 32:1

Natanco aꞌna shaꞌhuitaantaꞌinquëmaꞌ: Aꞌnaraꞌ copirno yaꞌconaton, noyasáchin huaꞌanëntapon. Naporoꞌ huaꞌanoꞌsantaꞌ, noyasáchin nicatona huaꞌanëntaponaꞌ.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Lucas 1:69

Ina nohuanton, Tata masho Tapi shiin chachin nichaꞌësarinpoaꞌ. Inasoꞌ chini chiníquën nanantapon.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.

2 Corintios 5:10

Aꞌna tahuëri Quisocristo oꞌmantahuachin, yaꞌipinpoaꞌ coisë pochin shaꞌhuitarinpoaꞌ. Yaꞌipi ninëhuasopita yonquiaton, aꞌnaya aꞌnayanpoaꞌ noꞌtëquën nontarinpoaꞌ. Co noya nipatëhuahuëꞌ, co Yosëꞌpaꞌ acanaarinpoahuëꞌ. Noya nipatëhuaꞌ, acanaarinpoa huachi.

Jueces 5:31

Ina pochin mini Sinioro yaꞌipi inimiconënpita taꞌhuanchinaꞌ. Nosororinënquënsopitaso nipirinhuëꞌ, huënaráchin huënaráchin yaꞌnoinaꞌ. Camotëchin piꞌi huënaratërinso pochin yaꞌnoinaꞌ, topi cantatonaꞌ. Naporo quëran huarëꞌ israiroꞌsa catapini shonca piꞌi noya yaꞌhuëantapi.

1 Samuel 12:13

Iporasoꞌ, copirno huayonamaso isëquë chachin nisarin. Copirno natanamasoꞌ, Sinioro acotërinquëma huachi.

1 Samuel 12:17

Ipora tahuëriꞌsa trico macacaso tahuëri niꞌton, ¿co oꞌnaninhuëꞌ paꞌ? Napopirinhuë Yosë nontohuato, ina nohuanton huira, oꞌnan, inapita anotarin. Inapohuachin, Sinioro yonquirapirinquëmasoꞌ, nitotaramaꞌ: “Copirno acotiinpoaso natanatëhuaꞌ, paꞌpi co noyahuëꞌ ninëhuaꞌ,” tosaramaꞌ, itërin.

1 Samuel 12:18

Ina tosahuaton Samoirosoꞌ Sinioro nontërin: Nontohuachina, naporo chachin ina nohuanton huira, oꞌnan, inapita anotërin. Naporoꞌ israiroꞌsasoꞌ, Sinioro paꞌpi tëꞌhuatopi. Samoironta tëꞌhuatopi.

1 Samuel 12:3

Iporasoꞌ, canpitarëꞌco onpo sacatërahuësosona shaꞌhuicoꞌ. Toronëmahuë nipon, moranëmahuë nipon matohuatënquëmaꞌ, noꞌtëquën shaꞌhuicoꞌ. Inquëma tëranta aparisitëranquëmaꞌ, maꞌsha onpotëranquëmaꞌ, napotohuatënquëmaꞌ, noꞌtëquën shaꞌhuicoꞌ. Insonquëma tëranta tëhuëpiramahuë pahuërëramaco niꞌton, co anaꞌintohuatënquëmahuëꞌ, shaꞌhuico antaꞌ. Sinioro nani nitotërin. Copirno acorinsonta natanarinpoa niꞌton, nihuihuatënquëmasoꞌ noꞌtëquën pahuërëaranquëmaꞌ, itërin.

1 Samuel 15:28

Naporoꞌ Samoirori itapon: —Aꞌmorahuëso osharanso pochin, Sinioronta ipora tahuëri huaꞌanëntëranso oshatatë pochin nitërinquën. Inapotatënquën, aꞌnara Israiro quëmapi ahuaꞌanëntarin. Quëmá quëran noya noya quëmapi inapotarin.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.