1 Samuel 19:9 - Chayahuita (Shahui)

^9-10 Ina piquëran Tapisoꞌ Saono pëinënquë huënantarin. Aꞌna tahuëri Saonosoꞌ naquëranchin sopairi yaꞌcoancantaantarin. Nansanën sëꞌquërin quëran patoananënquë huënsëaso napoantarin. Tapisoꞌ arpa piꞌniarin. Napoápirinhuë aꞌnanaya Saonori nansaquë tëꞌyanantërin: “Pairaquë payon payontaꞌi,” taꞌton tëꞌyanantopirinhuëꞌ, pashi charinso pairaraꞌ ohuanin. Naporo tashi chachin Tapisoꞌ, pëinënquë taꞌarin.

1 Samuel 19:9 ပူးပေါင်းရင်းမြစ်များ

1 Reyes 22:22

“Yaꞌipi pënëntonaꞌpiroꞌsa Acapo camairinso nonpintarahuë. Inapitari shaꞌhuitohuachina, ahuëtapon paꞌsarin,” itërin sopairi. Ina natanaton, Siniorori itapon: “Naporinchi paya. Nonpintaran niꞌsora. Paꞌmaton inapotëquëꞌ,” itërin.

1 Samuel 16:14

Naporo tahuëriꞌsa Sinioro ispiritonënsoꞌ, Saono quëran pipirin. Ina pipihuachina Yosë nohuanton sopairi yaꞌcoancantërin. Inari yaꞌcoancantohuachina, ahuaꞌyantaton aparisitárin.

1 Samuel 16:15

Napoaton piyapinënpitari itaponaꞌ: —Yosë nohuanton sopai aparisitárinquën. Inapotohuachinpora, mosica piꞌnipiso natanpatëra noya ninatanëꞌ.

1 Samuel 16:16

Napoaton camaitëquë aꞌnara arpa nito piꞌnirinsoꞌ yoníchinën. Onporosona sopai aparisitohuachinquën, inari arpa piꞌniꞌin. Piꞌnihuachina quëmasoꞌ noya ninataanan, itopi.

1 Samuel 19:8

Naquëranchin israiroꞌsa huiristinoꞌsarëꞌ niahuëantapi. Napoaton Tapisoꞌ sontaronënpitarë chachin huiristinoꞌsa ahuëcaiso marëꞌ paantapi. Ahuëtohuachinara, huiristinoꞌsa canatonaꞌ, notohuaroꞌ tiquipi. Chaꞌëpisopitasoꞌ, taꞌapi.