1 Samuel 19:5 - Chayahuita (Shahui)

⁵ Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.

1 Samuel 19:5 ပူးပေါင်းရင်းမြစ်များ

Salmos 119:109

Tëpachináchin nitárinaco. Napoaporahuëꞌ, co quëma aꞌchinansopita naniantërahuëꞌ.

Salmos 69:4

Ainëhuë huaꞌhuayátërahuë nipirinhuëꞌ, ina quëran naꞌcon naꞌcon inimicotërinacosopita naꞌarin. Co manta onpotopirahuëꞌ, noꞌhuirinaco. Inimicoroꞌsa naꞌatonaꞌ, topinan quëran yatëparinaco. Co manta ihuatopirahuëꞌ, ayanaꞌhuaso camaiárinaco.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Jeremías 26:15

Napoaponahuëꞌ, noya yonquicoꞌ. Tëpahuatamacosoꞌ, co manta onpopirahuëꞌ tëpapomaco. Ina marëꞌ yaꞌipinquëma naꞌinaramaꞌ. Yaꞌipi shaꞌhuitëranquëmasopitasoꞌ, co caora nohuanton shaꞌhuitëranquëmahuëꞌ. Sinioro aꞌparinco niꞌton, napotëranquëmaꞌ,” itërahuë.

Mateo 27:24

Napotohuachinara, nisha yonquirin huachi. “Piyapiꞌsaꞌ co yanatërinacohuëꞌ. Chiníquën noꞌhuitatonaꞌ, yaahuërinaco,” taꞌton, co huachi yonquirinhuëꞌ Quisoso ocoicasoꞌ. Napoaton iꞌsha masahuaton, piyapiꞌsaꞌ niꞌtërantapaquë huiꞌsërin. —Iso quëmapisoꞌ noya. Co mantaꞌ onporinhuëꞌ, tënahuë. Co ca nohuanto, tëpaapihuëꞌ. Co ina marëꞌ anaꞌintincosoꞌ yaꞌhuërinhuëꞌ. Canpita yonquiramasoꞌ, itahuaton, huiꞌsërin.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Juan 15:25

Iráca Yosë quiricanënquë ninshitopi. ‘Topinan quëran noꞌhuirinaco,’ tënin ninshitaton. Iporasoꞌ naporinso chachin topinan quëran noꞌhuiarinaco.

Hechos 20:24

Yatëpapirinacohuëntaꞌ, co casoꞌ tëꞌhuatërahuëꞌ. Co ina yonquirahuëꞌ. Sinioro Quisoso natëaꞌhuasoáchin cancantërahuë. Iráca ina shaꞌhuitërinco aꞌchinaꞌhuaso marëꞌ. ‘Yosëri yaꞌipi piyapi nosoroaton, anoyacancantacasoꞌ nohuantërin. Ina noya nanan chachin aꞌchintonquëꞌ,’ itërinco. Napoaton paato, aꞌchintárahuë. Co chiminaꞌhuasoꞌ tëꞌhuatërahuëꞌ.

Hebreos 2:3

Iporaso nipirinhuëꞌ, Quisocristo aꞌpaimarin noya nanan shaꞌhuitiinpoaso marëꞌ. Naꞌcon nosoroatonpoaꞌ, yanichaꞌërinpoaꞌ. Huiꞌnin chachin niꞌton, co ina natëhuatëhuahuëꞌ, naꞌcon naꞌcon anaꞌintinpoasoꞌ yaꞌhuërin. Quisocristo chachin noya nanan shaꞌhuirin. Ina quëran caꞌtanoꞌsanënpitari natanahuatonaꞌ, inachachin shaꞌhuitaantarinënpoaꞌ.

Jueces 9:17

Matianoꞌsa quëran nichaꞌëinquëmaso marëꞌ, inaso chiminchináchin ahuëtërin.

1 Samuel 11:13

Napopirinahuë Saonori itapon: —Sinioro ipora tahuëri israiroꞌsanpoa nichaꞌërinpoaꞌ. Napoaton ipora tahuëri co insonta aquëtë tëpacaiso yaꞌhuërinhuëꞌ.

1 Samuel 14:45

Inaso napopirinhuëꞌ, yaꞌipi Israiro sontaroꞌsari huanirahuatona itaponaꞌ: —¡Co Conatan chiminacaso yaꞌhuërinhuëꞌ! ¡Ina caniaritërin niꞌton, inimiconënpoa minsërëhuaꞌ! ¡Co ina pochin nicacaso yaꞌhuërinhuëꞌ! ¡Sinioro nanpiárin nichinapon chachin co nohuantëraihuëꞌ Conatan maꞌsha onpocasoꞌ! Inari mini catahuarin niꞌton, naporinsoꞌ, itopi. Napotatonaꞌ, Conatan nichaꞌëpi.

1 Samuel 19:6

Huiꞌnini napotërinso natanahuaton, Saonoso chiníquën nonin: —Yoscoarëꞌ co tëpapohuëꞌ, tënin.

1 Samuel 20:32

Napotopirinhuëꞌ, inariso paꞌpin itapon: —¿Onpoatonta chiminacaso yaꞌhuërin? ¿Maꞌta onporinso marëꞌ tëpacaso yaꞌhuërin? itërin.

1 Samuel 28:21

Saono paꞌpi paꞌyaninsoꞌ, sanapiso niꞌnin. Napohuachina yaꞌcarirahuaton, itapon: —Niꞌquë sinioro. Caso quëma piyapinën pochinco ninahuë. Tëpainacoso yaꞌhuërinso nitotaporahuëꞌ, natëranquën.