1 Samuel 19:20 - Chayahuita (Shahui)

²⁰ Ina natantaton, piyapinënpita inatohua aꞌpaantarin. Tapi macontacaiso marëꞌ aꞌparin. Canconahuatona niꞌpirinahuëꞌ, Samoiroso aꞌna huëntonaca pënëntonaꞌpiroꞌsa ichipënëntarin niꞌconpi. Aꞌnanaya Yosë ispiritonëni inahuanta yaꞌcoancantohuachina, caniaritopi pënëntacaisoꞌ.

1 Samuel 19:20 ပူးပေါင်းရင်းမြစ်များ

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Números 24:2

Yaꞌipi israiroꞌsa yaꞌhuëpiquë, aꞌna huënton aꞌna huënton nëꞌmëtë pëinëna ótënaꞌpiapi quënanin. Naporo chachin Yosë ispiritonëni, yaꞌcoancantërin huachi.

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

1 Corintios 14:3

Napoaponahuëꞌ, Yosë nanamën shaꞌhuitohuatëhuasoꞌ, noya nataninënpoaꞌ. Ina yonquihuachinaꞌ, noya noya imasapi. Shaꞌhuitohuatëhuaꞌ, achinicancanarihuaꞌ. Sëtopirinahuëꞌ, natanatënënpoaꞌ, chiníquën cancantapi.

1 Samuel 10:10

Ina quëran Saono piyapinënë chachin Quipiaquë canconpi. Canconpachinara, aꞌna huëntonaca pënëntonaꞌpiroꞌsari nacapirin. Yosë yonquirinso shaꞌhuirëꞌnachin, huëꞌsapi nacapirin. Naporoꞌ Yosë ispiritonëni noyá yaꞌcoancantërin. Napoaton Saononta inapita pochachin Yosë yonquirinsoꞌ shaꞌhuirarin.

1 Samuel 19:11

Naporo chachin Saonosoꞌ piyapinënpita camairin. Tapi pëinënquë paatona aꞌpaicaiso marëꞌ camairin: “Tashiraya pëinën quëran pipihuachin tëpacoꞌ,” taꞌton naporin. Saꞌiniso napoaponahuëꞌ, shaꞌhuitërin: —Coꞌsoꞌ ipora tashi taꞌahuatanhuëꞌ, tatari aꞌparinsopita tashiraya tëpaponquën, itërin.

1 Samuel 19:14

Tahuëririnquë Saono piyapinënpitasoꞌ, Tapi pipicasoꞌ ninarápirinahuëꞌ, co pipirinhuëꞌ. Napohuachina quëpacaiso marëꞌ yaꞌcoana piꞌniconpi. Piꞌnihuachinara, Micarori iꞌsoatahuaton itapon: “Tapi caniorin,” itërin.

1 Samuel 19:19

Saonosoꞌ piyapiꞌsa nonpisoꞌ natantërin: “Tapisoꞌ Nayotoquë yaꞌhuëarin,” topi.

1 Samuel 19:21

Ina natanaton, Saonoso aꞌnapita yaꞌhuërëꞌ, Tapi macontacaiso marëꞌ aꞌpaantarin. Aꞌpapirinhuëꞌ, inahuanta aꞌnapita pochachin pënëntaantapi. Naquëranchin Saonosoꞌ aꞌnapita yaꞌhuërë aꞌpaantapirinhuëꞌ, inahuanta ina chachin niantapi.