1 Samuel 19:18 - Chayahuita (Shahui)

¹⁸ Inapoaton Tapi taꞌarin. Paꞌsahuaton Namaquë Samoiro nontoonin. Saonori napotërinsoꞌ yaꞌipi shaꞌhuitërin. Ina quëran Samoirorë chachin Nayoto ninano itopiquë paꞌpi yaꞌhuëaponaꞌ.

1 Samuel 19:18 ပူးပေါင်းရင်းမြစ်များ

Salmos 116:11

Napoaporahuëꞌ, parisitápato naporahuë: “Yaꞌipi piyapinpoa nonpinëhuaꞌ,” tënahuë.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 15:34

Ina piquëran Samoirosoꞌ Naama ninanoquë paꞌnin. Inaquë yaꞌhuërin niꞌton, inaquë paꞌnin. Yaꞌhuërëꞌ Saononta yaꞌhuërinquë paꞌnin. Shaꞌhuitëranquëmaso chachin Saonosoꞌ Quipiaquë yaꞌhuërin.

1 Samuel 19:19

Saonosoꞌ piyapiꞌsa nonpisoꞌ natantërin: “Tapisoꞌ Nayotoquë yaꞌhuëarin,” topi.

1 Samuel 19:22

Napohuachina inaora chachin Namaquë paꞌnin. Sico ninanoquë panca iꞌsha tapapiquë yaꞌhuërin. Inaquë canpachina, Samoiro, Tapi, inapita natantërin. Natantohuachina: “Nayotoquë yaꞌhuapi,” itopi.

1 Samuel 19:23

Ina natanaton inaquë paꞌsapirinhuëꞌ, Yosë ispiritonëni inanta yaꞌcoancantërin. Yaꞌcoancantohuachina, inanta pënëntërin. Pënëntochináchin Nayotoquë huarëꞌ canconin.

1 Samuel 20:1

Tapi Nayoto quëran taꞌarahuaton, Conatan yaꞌhuërinquë paꞌnin. Quënanconahuaton itapon: —¡Co caso manta tëhuërahuëꞌ! ¡Co maꞌmarë tëranta anaꞌintiinacoso yaꞌhuërinhuëꞌ! Tataparin co manta onpotërahuëꞌ niꞌton: ¡Co tëpaincoso yaꞌhuërinhuëꞌ, tënahuë! itërin.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.

1 Samuel 7:17

Nani niꞌtohuachina, Namaquë chachin paantarin. Inaquë pëinën yaꞌhuëtërin. Inatohua quëran israiroꞌsa huaꞌanëntërin. Naporahuaton inaquë chachin aꞌnara artaro Sinioro marëꞌ ninin.