1 Samuel 19:14 - Chayahuita (Shahui)

¹⁴ Tahuëririnquë Saono piyapinënpitasoꞌ, Tapi pipicasoꞌ ninarápirinahuëꞌ, co pipirinhuëꞌ. Napohuachina quëpacaiso marëꞌ yaꞌcoana piꞌniconpi. Piꞌnihuachinara, Micarori iꞌsoatahuaton itapon: “Tapi caniorin,” itërin.

1 Samuel 19:14 ပူးပေါင်းရင်းမြစ်များ

2 Samuel 17:20

Apësaron sontaronënpita canquirahuatonaꞌ, sanapi natanpi: —Aimasë, Conatan, inapita yonisarai. ¿Co quëmari niꞌnanhuëꞌ? itopi. —Isëchin mini naꞌhuëpi. Iꞌ parti paꞌmapi pora, itërin sanapiri. Napotohuachina, yonípona paꞌpi. Yonisápirinahuëꞌ, co quënanpachinaraihuëꞌ Quirosarinquë paantapi.

Josué 2:5

Nani yatashirapasoꞌ paꞌpi. Naporo oraquë, ninano yaꞌcoananta oncotapi. Intohuasona paꞌpisoꞌ, co nitotërahuëꞌ. Napoaponahuëꞌ, aꞌnaroáchin imapatamaꞌ, icantaramaꞌ, itërin.

1 Samuel 19:15

Napotohuachina Saono shaꞌhuitoonpi. Shaꞌhuitopirinahuëꞌ, inaso camaitaantarin: —Quëhuëanpirinhuë tërantaꞌ, masahuatoma quëshico tëpaꞌi, itërin.

1 Samuel 19:20

Ina natantaton, piyapinënpita inatohua aꞌpaantarin. Tapi macontacaiso marëꞌ aꞌparin. Canconahuatona niꞌpirinahuëꞌ, Samoiroso aꞌna huëntonaca pënëntonaꞌpiroꞌsa ichipënëntarin niꞌconpi. Aꞌnanaya Yosë ispiritonëni inahuanta yaꞌcoancantohuachina, caniaritopi pënëntacaisoꞌ.