1 Samuel 18:9 - Chayahuita (Shahui)

⁹ Naporo quëran huarëꞌ Saonosoꞌ, Tapi saitërin huachi.

1 Samuel 18:9 ပူးပေါင်းရင်းမြစ်များ

Génesis 31:2

Naporahuaton Napanori chachintaꞌ, co huachi iráca pochin nitërinhuëꞌ niꞌnin.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Mateo 20:15

Caoranquën coriqui niꞌton, onposona nohuantohuato, inanapo pahuërëtaꞌhuasoꞌ yaꞌhuërin. Inapita nosoroato, pahuërërahuëso marëꞌ ¿noꞌhuiramaco ti?’ itahuaton, aꞌparin huachi.

Marcos 7:22

Nitëhuananpitëramaꞌ. Paꞌyatacasoráchin cancantëramaꞌ. Aꞌnapita maꞌshanën noyaparamaꞌ. Co noyahuëꞌ ninamaꞌ. Nonpinamaꞌ. Nisha nisha co noyahuëꞌ ninamasoꞌ co yaaꞌporamahuëꞌ. Apiraramaꞌ. Pinotëramaꞌ. “Casoꞌ co aꞌnapita pochincohuëꞌ. Noya noyaco,” toconamaꞌ. Co yonquinahuanhuëꞌ ninamaꞌ.

Efesios 4:27

Huaꞌquiꞌ noꞌhuihuatamaꞌ, aꞌnaroáchin sopai minsëarinquëmaꞌ.

Santiago 5:9

Ama piꞌpian tërantaꞌ iyaroꞌsaꞌ ninoꞌhuicosohuëꞌ, Yosë anaꞌintochinquëmaꞌ. Niꞌsárinpoaꞌ. Co huaꞌquiya quëranhuëꞌ oꞌmararin anaꞌintinpoaso marëꞌ.

1 Samuel 18:10

Tahuëririnquë naquëranchin aparisitërinso sopairi, Saono aparisitaantarin. Napohuachina pëinënquë huaꞌyantaantarin. Nansanën sëꞌquërin quëran huaꞌyantasoꞌ, Tapisoꞌ arpanën piꞌnirarin. Huaꞌyantohuachina yápiꞌnirin niꞌton, napoantarin.

1 Samuel 18:8

Ina natanaton, Saonosoꞌ co noyahuëꞌ cancantërin. Napoaton paꞌpi noꞌhuitaton tapon: —Tapisoꞌ shonca huaranca inimicoroꞌsa tëparin, itopi. Caso nipirinhuëꞌ, “huarancaíchin tëparin,” itërinaco. ¡Yaꞌhuërënamëhuë copirno acocaisoáchin pahuanarin! tënin.

1 Samuel 19:1

Aꞌna tahuëri Saonosoꞌ, Tapi tëpacaisoꞌ camaitërin. Conatan camairahuaton, aꞌnapita huaꞌanoꞌsanta camairin. Camaipirinhuëꞌ, Conatanisoꞌ paꞌpi nosoroaton Tapi shaꞌhuitërin. —Tata yatëparinquën. Napoaton tashiraya aꞌcayanchin co piyapi paꞌninquëhuëꞌ naꞌpiquëꞌ.