1 Samuel 18:8 - Chayahuita (Shahui)

⁸ Ina natanaton, Saonosoꞌ co noyahuëꞌ cancantërin. Napoaton paꞌpi noꞌhuitaton tapon: —Tapisoꞌ shonca huaranca inimicoroꞌsa tëparin, itopi. Caso nipirinhuëꞌ, “huarancaíchin tëparin,” itërinaco. ¡Yaꞌhuërënamëhuë copirno acocaisoáchin pahuanarin! tënin.

1 Samuel 18:8 ပူးပေါင်းရင်းမြစ်များ

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Génesis 37:8

Napohuachina, inapitari itapon: —Huaꞌan yaꞌconpato iyahuëpita camaiyápo ¿tocomaranquën ti? ¡Catoroꞌ quëma camaiyáponcoi! itopi. Huaꞌnarinso marëpita naꞌcon naꞌcon noꞌhuipi. Shaꞌhuihuachina, co yainhuëꞌ natanpi.

Proverbios 13:10

“Caso noya noyaco,” topisopitasoꞌ, aꞌnaroáchin nanan ocoipi. Sano piyapiroꞌsaso nipirinhuëꞌ, yonquínahuan nicacaisoꞌ naꞌcon naꞌcon cancantopi.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Números 11:1

Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 22:34

—Toꞌshitërancosoꞌ co nitotatohuëꞌ, oshahuanahuëꞌ. Napoaponahuëꞌ, quëma topatan ayamantaꞌi nipachin, itërin.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.

1 Samuel 13:14

Iporaso nipirinhuëꞌ, co quëmari huaꞌanëntomiataponhuëꞌ. Sinioro yonisarin aꞌnara quëmapi noya niꞌninsoꞌ. Quëmasoꞌ camairinquënsoꞌ, co natëranhuëꞌ. Ina niꞌton, quëma yaꞌhuërënamën piyapinënpita huaꞌanëntacaso marëꞌ ina acoarin, itërin.

1 Samuel 15:28

Naporoꞌ Samoirori itapon: —Aꞌmorahuëso osharanso pochin, Sinioronta ipora tahuëri huaꞌanëntëranso oshatatë pochin nitërinquën. Inapotatënquën, aꞌnara Israiro quëmapi ahuaꞌanëntarin. Quëmá quëran noya noya quëmapi inapotarin.

1 Samuel 16:13

Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 18:9

Naporo quëran huarëꞌ Saonosoꞌ, Tapi saitërin huachi.

1 Samuel 19:1

Aꞌna tahuëri Saonosoꞌ, Tapi tëpacaisoꞌ camaitërin. Conatan camairahuaton, aꞌnapita huaꞌanoꞌsanta camairin. Camaipirinhuëꞌ, Conatanisoꞌ paꞌpi nosoroaton Tapi shaꞌhuitërin. —Tata yatëparinquën. Napoaton tashiraya aꞌcayanchin co piyapi paꞌninquëhuëꞌ naꞌpiquëꞌ.

1 Samuel 20:31

Inaso nanpirápachin, co quëmaso nanpicaso tëranta yaꞌhuërinhuëꞌ. Aquëtë huarëꞌ yaꞌhuërëtaancososoꞌ, co nanitaranhuëꞌ. Napoaton aꞌpaquë piyapinënpita macoinaꞌ. Inasoꞌ, chiminacaso yaꞌhuërin, itërin.