1 Samuel 18:6 - Chayahuita (Shahui)

⁶ Tapi Coriato tëparinso piquëran, Israiro sontaroꞌsasoꞌ huënantapi. Inachintopiso niꞌton, yaꞌipi Israiro sanapiꞌsari Saono nacapipi. Yaꞌipi ninanoroꞌsa quëran huëꞌsahuatonaꞌ, nacapipi. Pantirita, arpa, inapita piꞌnirahuatonaꞌ, cantarëꞌnachin nansaariapi. Capa cancantatona naporiapi.

1 Samuel 18:6 ပူးပေါင်းရင်းမြစ်များ

2 Samuel 1:20

Amana Cato ninanoquë ina nanan shaꞌhuicosohuëꞌ. Asocaron cachiroꞌsaquëntaꞌ, ama ina nitochinasohuëꞌ. Huiristino sanapiꞌsa nitotatona capa cancantohuachinaꞌ. Inpio sanapiroꞌsa niponaraihuëꞌ, capa cancantohuachinaꞌ.

2 Samuel 6:5

Tapisoꞌ, aꞌnapitarë chachin imatatonaꞌ, cantararapi. Nansararapi. Yaꞌipi cancanëna quëran naporarapi. Aꞌnaquën nisha nisha nininsopita piꞌnirarapi: Arpa, nisha quitara, pantirita, pirinan, huaꞌna shari shari, inapita piꞌnirasoiꞌ, naporarapi.

Éxodo 15:20

Naporoꞌ aꞌna sanapinta huanirin, Maria itopisoꞌ. Inasoꞌ, Yosë yonquirinso shaꞌhuinaꞌpi. Aaron oshinpain. Pantirita piꞌniaton, Yosë cantanën cantararin. Yaꞌipi israironoꞌsanta yorantapi. Naporahuatona Yosë marëꞌ nansarapi.

Éxodo 15:21

Maria cantaton tapon: “Yosë nichaꞌërinpoa niꞌton, cantahuaꞌ. Inimicoroꞌsaso huëꞌpirinahuëꞌ, Yosëri paꞌpi huëhuëpiro nitaton, minsërin. Sontaroꞌsaꞌ, cahuarioroꞌsaꞌ, yaꞌipi marëquë tiquiitërin huachi,” tënin.

1 Samuel 18:5

Saono maꞌsona tëranta camaitohuachina, Tapisoꞌ aꞌnaroáchin natëtërin. Napoaton napopinchin sontaronënpita camaicaso marëꞌ acorin. Acohuachina yaꞌipi sontaronënpita noya cancantopi. Sontaro huaꞌanoꞌsantaꞌ, noya ancantopi.