1 Samuel 18:23 - Chayahuita (Shahui)

²³ Napotohuachina piyapinënpitasoꞌ Tapi paapapi. Paaparahuatonaꞌ, yaꞌipi Saonori napotërinso shaꞌhuitopi. Shaꞌhuitohuachinara inari itapon: —¡Naporinchi paya! Caso topinan piyapico. Naporahuaton co maꞌhuancohuëꞌ: “Copirno miꞌsëtëquëꞌ,” topatamara noya nicatomaco naporamaꞌ. Sacai nipirinhuëꞌ, inta nipachin, itërin.

1 Samuel 18:23 ပူးပေါင်းရင်းမြစ်များ

Génesis 29:20

Inapoaton Cacoposoꞌ Naquira marëꞌ canchisë piꞌipi sacatërin. Huaꞌqui sacatopirinhuëꞌ, Naquira paꞌpi nosoraoton, cara tahuëriíchin sacatërinso pochin cancantërin.

Génesis 34:12

Sanapi marëꞌ pahuërëtërë quëran naꞌcon naꞌcon apahuërëtohuatamaco noya, co maꞌshahuëꞌ. Naporahuaton maꞌsona nicanaꞌhuanquëmasoꞌ natanpatamacontaꞌ, quëtaranquëmaꞌ. Onpopionta cari mai, topirahuë, tënin.

Salmos 119:141

Caso, co máquëncohuë niꞌton, nocaninaco. Napoaporahuëꞌ, quëma nanamënso co naniantarahuëꞌ.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.

1 Samuel 18:18

Napotohuachina Tapiri itapon: —Co caso máquëncohuëꞌ. Quëmopinëhuëpitantaꞌ, co máquënoꞌsahuëꞌ. Napoaton co nanitërahuëꞌ miꞌsëtaꞌhuanquënsoꞌ, itërin.

1 Samuel 18:22

Napotahuaton Saonosoꞌ, caraya piyapinënpita camairin Tapi nontacaiso marëꞌ: —Paatoma inaoraíchin Tapi nontooncoꞌ: “Nohuantëquë copirno miꞌsëtamasoꞌ. Inasoꞌ, tëhuënchachin nosoromiatërinquën. Piyapinënpitacointa nóya niꞌnainquën,” itocoꞌ, itërin.

1 Samuel 18:24

Napotohuachina piyapinënpitasoꞌ ina ina chachin Saono shaꞌhuitoonpi. Ina natanaton, Saonosoꞌ co noyahuëꞌ yonquirin: “Huiristinoꞌsari tëpaꞌin,” tënin. Ina yonquiaton piyapinënpita naquëranchin Tapi nontaantacaiso marëꞌ aꞌpaantarin: —Quëmapinposoꞌ inachintërëhua niꞌton, sanapi marëꞌ pahuërëtërëꞌ. Caso co ina pochin pahuërëincosoꞌ nohuantërahuëꞌ. Inimiconëhuëpita iꞌhuërëtaꞌhuaso marëꞌ pasa huiristino sontaroꞌsa tëpaꞌin. Tëparahuaton taparonëna shaꞌhuëtën machin. Matahuaton quëshiinco, tënin Saono itocoꞌ, itërin.

1 Samuel 9:21

Napotohuachina Saonori itapon: —Coꞌta api caso, Mincamin huënton quëmapico. Inaso huënton, aꞌnapita quëran huaꞌhui huaꞌhuishin huënton. Naporahuaton quëmopinëhuëpitanta aꞌnapita Mincamin huënton israiroꞌsa quëran naꞌcon naꞌcon popriyatopi niꞌton: ¿Onpoatonta ina pochin nontëranco? itërin.