1 Samuel 18:18 - Chayahuita (Shahui)

¹⁸ Napotohuachina Tapiri itapon: —Co caso máquëncohuëꞌ. Quëmopinëhuëpitantaꞌ, co máquënoꞌsahuëꞌ. Napoaton co nanitërahuëꞌ miꞌsëtaꞌhuanquënsoꞌ, itërin.

1 Samuel 18:18 ပူးပေါင်းရင်းမြစ်များ

2 Samuel 7:18

Naporoꞌ inasoꞌ, Yosë caposonën acopisoꞌ nëꞌmëtë pëiquë yaꞌconin. Yaꞌconaton iso pochin Sinioro nontërin: “Sinioro. Quëmaso Yosënquën. Chini chiníquën nanantëran. Caso co máquëncohuëꞌ. Quëmopinëhuëpitantaꞌ, co máquënoꞌsahuëꞌ. Napoaton israiroꞌsa copirnonëna nicaꞌhuasoꞌ co inashitërahuëꞌ.

Éxodo 3:11

Moisësëso napoaponahuëꞌ tëꞌhuaton: —¡Huaꞌancotaꞌ pini copirnonta nontohuato, natëinco! Coꞌchi paya, co caso nanitërahuë israiroꞌsa Iquipito quëran ocoicaꞌhuasoꞌ, itërin.

Jeremías 1:6

Napotohuachincora: “¡Maꞌhuantacha Sinioro yanitëranco paya! Caso huiꞌnapico niꞌto, co nito nonahuëꞌ,” itërahuë.

Rota naporinso' 2:10

Napotohuachina, inaso Pooso noya nicaton isonin quëran noꞌpaquë huarëꞌ monshomarin. Ina quëran itapon: —¿Onpoatonta ina pochin niꞌnanco? Caso nisha sanapico nipirahuëꞌ, noyasha nontëranco, itërin.

1 Samuel 18:23

Napotohuachina piyapinënpitasoꞌ Tapi paapapi. Paaparahuatonaꞌ, yaꞌipi Saonori napotërinso shaꞌhuitopi. Shaꞌhuitohuachinara inari itapon: —¡Naporinchi paya! Caso topinan piyapico. Naporahuaton co maꞌhuancohuëꞌ: “Copirno miꞌsëtëquëꞌ,” topatamara noya nicatomaco naporamaꞌ. Sacai nipirinhuëꞌ, inta nipachin, itërin.

1 Samuel 9:21

Napotohuachina Saonori itapon: —Coꞌta api caso, Mincamin huënton quëmapico. Inaso huënton, aꞌnapita quëran huaꞌhui huaꞌhuishin huënton. Naporahuaton quëmopinëhuëpitanta aꞌnapita Mincamin huënton israiroꞌsa quëran naꞌcon naꞌcon popriyatopi niꞌton: ¿Onpoatonta ina pochin nontëranco? itërin.