1 Samuel 18:17 - Chayahuita (Shahui)

¹⁷ Aꞌna tahuëri Saonori Tapi itapon: —Natanquë api shaꞌhuichinquën: Chiníquën cancantaton Sinioro marëꞌ ahuëtëquëꞌ. Ina pochin nicacaso marëꞌ huiꞌnahuë paninan nininsoꞌ quëtaranquën. Inasoꞌ, Mirapo itërahuë, itërin. “Huiristinoꞌsari tëpahuachinaꞌ, co caora chachin tëpaꞌhuaso yaꞌhuëaponhuëꞌ,” taꞌton napotërin.

1 Samuel 18:17 ပူးပေါင်းရင်းမြစ်များ

2 Samuel 11:15

Iso pochin taꞌcasoꞌ ninshitërin: “Chini chiníquën niahuërapaiquë Oriasënta quëchichin. Inaquë ahuëtasoꞌ, inimicoroꞌsari tëpacaiso marëꞌ aꞌnapitari taꞌananpiinaꞌ,” itërin.

2 Samuel 12:9

Nani carima pënënanquëmaꞌ: Nimapatamaꞌ ama nitëhuananpitocosohuëꞌ, itëranquëmaꞌ. Naporahuaton ama tëpatocosohuëꞌ itëranquëmaꞌ. Napo pënëntërahuësoꞌ co nocanacaso yaꞌhuëpirinhuëꞌ, nocanan. ¡Inapoaton co costarahuësohuëꞌ ninan! Quëma camaitëran quëran Oriasë amonoꞌsari tëparin. Inapotahuaton saꞌin matëran.

2 Samuel 6:16

Sinioro caposonën Quirosarinquë quëꞌcanconpi. Napohuachinara, Saonocoꞌ huiꞌnin Micaro itopisosoꞌ, huintananën quëran nocotiirin. Nocotopirinhuëꞌ, soꞌinsoꞌ nansaton pashi pashitëriarin. Sinioro chinotaton napóriapirinhuëꞌ, inarisoꞌ co yainyántërahuëꞌ, niꞌnin.

1 Samuel 14:49

Saono huiꞌninpitasoꞌ, isopita: Conatan, Isipi, Maraquisoa, inapita. Sanapiꞌsanta cato yaꞌhuëtërin: Paya payasoꞌ, Mirapo itopi. Huaꞌhua nininsosoꞌ, Micaro itopi.

1 Samuel 17:36

Paꞌpiniꞌ nisapirinhuëꞌ, tocaniꞌ nisapirinhuëꞌ, inapotato tëparaꞌpiarahuë. Paso huiristinonta co Yosë chinotaponahuëꞌ, naporinso marëꞌ inapotarahuë. Canpoasoꞌ, Yosë nanpiárin nininso imarëhuaꞌ. Ina sontaronënpoapita nipirëhuahuëꞌ noꞌhuirinpoa niꞌton, tëpaarahuë.

1 Samuel 17:47

Yaꞌipi isëquë nisapisopita nitotapona huachi: “Siniorori chachin catahuarin ahuëtacaiso niꞌton, canatopi. Napoaton nansa, sahuëni, co inapitaquëáchin canatërëhuëꞌ,” tosapi. Ina nohuanton ipora tahuëri quiyarima minsëarainquëmaꞌ, itërin.