1 Samuel 18:15 - Chayahuita (Shahui)

¹⁵ Noya noya nisarinso nicaton, Saonosoꞌ ina tëꞌhuatërin.

1 Samuel 18:15 ပူးပေါင်းရင်းမြစ်များ

Colosenses 4:5

Co imarinsopitasohuëꞌ huëꞌpachinaꞌ, noya nontocoꞌ. Ama tapanatomahuëꞌ, noya aꞌchintocoꞌ. Onpopiontaꞌ noya nanan shaꞌhuitocoꞌ.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

1 Samuel 18:12

Napohuachina Saonosoꞌ, Tapi tëꞌhuatërin huachi: “Siniorori inasoꞌ naꞌcon catahuarin. Caso nipirinhuëꞌ, co huachi catahuarincohuëꞌ,” taꞌton tëꞌhuatërin.

1 Samuel 18:14

Siniorori catahuarin niꞌton, Tapi maꞌsona nipachina noya pipitërin.

1 Samuel 18:16

Napoaponahuëꞌ, aꞌnapita israiroꞌsaso Tapi paꞌyatopi. Cota huëntonoꞌsarinta napotopi. Ahuëtapona paꞌpachinara, inari noya camairin niꞌton, noya ahuëtopi. Napoatona noya huënantapi.