1 Samuel 18:11 - Chayahuita (Shahui)

¹¹ Aꞌnanaya Saonosoꞌ nansanën ihuësahuaton Tapi ohuanpirinhuëꞌ, pashicharinsoꞌ pacoitërin. Naquëranchin napotaantapirinhuëꞌ, pacoitaantarin: “Pairaquë Tapi payon payontaꞌi,” taꞌton napopirinhuëꞌ, co nanitërinhuëꞌ.

1 Samuel 18:11 ပူးပေါင်းရင်းမြစ်များ

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Lucas 4:30

Yatëꞌyatopirinahuëꞌ, Quisososoꞌ huancánachin paaton, noya chaꞌërin.

Juan 10:39

Ina natanahuatonaꞌ, naquëranchin tashinan pëiquë poꞌmocaiso marëꞌ yamaantapirinahuëꞌ, chaꞌërin.

Juan 8:59

Ina quëran naꞌpiroꞌsaꞌ masahuatonaꞌ, yatëꞌyarapi. Quisososo nipirinhuëꞌ naꞌpirahuaton, Yosë chinotopiso pëi quëran pipirin.

Hebreos 11:34

Aꞌnaquën pën chiníquën nënë nënëtapaquë tëꞌyatopirinahuëꞌ, co piꞌpian tërantaꞌ huëyapihuëꞌ. Noya chaꞌëpi. Aꞌnaquëontaꞌ Yosë nohuanton, sahuëni quëran chaꞌëpi. Yatëpapirinahuëꞌ, co chiminpihuëꞌ. Aꞌnaquëontaꞌ co chinipirinahuëꞌ, Yosëri catahuarin chiníquën cancantacaiso marëꞌ. Naꞌa inimicoroꞌsaꞌ minsërahuatonaꞌ, aꞌpapi.

1 Samuel 20:33

Huiꞌnini napotopirinhuëꞌ, Saonoso co manta taponahuëꞌ nansanën ihuërin. Huiꞌnin ohuanacaso marëꞌ ihuërin. Inaporinso marëꞌ: “Tëhuënchachin tatari Tapi yatëparin,” tënin yonquiaton.