1 Samuel 17:55 - Chayahuita (Shahui)

⁵⁵ Coꞌhuara inapoyatëraponhuëꞌ, Saonoso sontaronënpita huaꞌan natanin. Inaso Apiniro itopi. Tapi Coriato ahuëapon paaso natanin: —Apiniro. ¿Maꞌninta pasoꞌ huiꞌnapi paꞌpin? itërin.

1 Samuel 17:55 ပူးပေါင်းရင်းမြစ်များ

1 Samuel 1:26

Naporoꞌ Anari itapon: —Iꞌhuata apiya. ¿Yonquiran ipora iráca isëquë huëcato sacaroënquë Yosë nontërahuëso to?

1 Samuel 14:50

Saono saꞌinsoꞌ, Ainoama itopi. Inasoꞌ paꞌpin Aimasë itopi. Sontaronënpita huaꞌanëontaꞌ, Apiniro itopi. Inasoꞌ paꞌpin Niro itopi. Nironta Saono apin.

1 Samuel 16:12

Napotohuachina Quisisoꞌ, aꞌnara aꞌparin ina macontacaso marëꞌ. Inasoꞌ canquihuachina niꞌpirinhuëꞌ, huiꞌnapi. Noyapin noyapin niꞌtahuaton, quëhuashin aintërin, naporin. Naporoꞌ Siniorori Samoiro itapon: —Iso mini huayonahuësoꞌ. Ina copirno nicacaso marëꞌ tomaquë opomototahuaton, acoquëꞌ, itërin.

1 Samuel 17:54

Tapisoꞌ Coriato motën, ahuëtacaso marëꞌ ohuararinsopita, inapita pëinënquë quëparin. Inaquë tapacaso marëꞌ quëparin. Ina piquëran mototënsoꞌ, Quirosarinquë quëparin.

1 Samuel 17:56

Napotohuachina, inariso itapon: —Quëmasoꞌ chiníquën nanantëran. Yoscoarëꞌ co nitotërahuëꞌ, itërin. —Natantëquë nipachin, itaantarin Saonori.

1 Samuel 17:58

Quëꞌcanconpachina, inari natanin: —Shaꞌhuitoco huiꞌnapi ¿Inta quëmaso tata? itërin. —Quëmasoꞌ sinioro copirno, chiníquën nanantëran. Caso tatahuë, Quisi itopi. Inasoꞌ, quëma piyapinën pochin ninin. Pirinquë yaꞌhuërin, itërin Tapiri.