1 Samuel 17:50 - Chayahuita (Shahui)

^50-51 Inapotaton Tapiri Coriato canarin. Naꞌpira aꞌparinquëáchin nipirinhuëꞌ, acohuachina, nitëpatëpatarin. Tapisoꞌ co sahuënihuanhuë niꞌton, yaꞌcariconin. Yacariconahuaton inaora sahuëninën chachin ocoitahuaton, tëpachanin. Ina piquëran nishitëconotërin. Aꞌnapita huiristino sontaroꞌsasoꞌ chini chiníquën sontaronëna chimininso niꞌpi. Ina nicatona taꞌapi huachi.

1 Samuel 17:50 ပူးပေါင်းရင်းမြစ်များ

Jueces 15:15

Naporahuaton mora cohuiratë manin. Co noya yaniyátërarinsohuëꞌ masahuaton, inaquë ahuëaton huaranca huiristinoꞌsa tëparin.

1 Samuel 13:22

Napoaton Saono, Conatan, inapitaráchin sahuëni, nansa, inapita yaꞌhuëtopi. Sontaronënapitaso ahuëtohuachinara, co aꞌnaya tëranta inapita yaꞌhuëtopihuëꞌ.

1 Samuel 17:39

Ina aꞌmotohuachinara, aꞌmorinso aipi sintoronquë nitonporin. Inaquë sahuëninën pëꞌtënahuaton, iratacaso tënirin. Iratopirinhuëꞌ yacantërin. Napoaton aꞌnaroáchin Saono itapon: —Isanpi co noꞌquiatorahuëꞌ yacantërahuë, itërin. Napotahuaton aꞌmotopisoꞌ, yaꞌipi paꞌcoirin.

1 Samuel 17:49

Tanpanantën quëran naꞌpira ocoirahuaton, naꞌpi aꞌparinquë acorin. Huënintahuaton tëꞌyarahuachina Coriato tëꞌintaquëchin naꞌpira paꞌta paꞌtaratarin. Napoaton inasoꞌ, nocotërinquëranchin anotërin.

1 Samuel 19:5

Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.