1 Samuel 17:47 - Chayahuita (Shahui)

⁴⁷ Yaꞌipi isëquë nisapisopita nitotapona huachi: “Siniorori chachin catahuarin ahuëtacaiso niꞌton, canatopi. Napoaton nansa, sahuëni, co inapitaquëáchin canatërëhuëꞌ,” tosapi. Ina nohuanton ipora tahuëri quiyarima minsëarainquëmaꞌ, itërin.

1 Samuel 17:47 ပူးပေါင်းရင်းမြစ်များ

2 Reyes 5:15

Nani noyatohuachina yaꞌipi caꞌtaninsopitarë chachin Irisio nicapona panantapi. Cantonahuaton: —Yaꞌipi isoroꞌpaquë nisha nisha mamanshi moshapirinahuëꞌ, co inapitaso Yosëhuëꞌ. Isëquësáchin Yosëso yaꞌhuërin tënahuë. Ina nitotato, quëshiranquënsopita maquë topirahuë, itërin.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Isaías 9:7

Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Oseas 1:7

Cota huëntonso napoaponahuëꞌ, nosoroarahuë. Cari chachin inapitasoꞌ, nichaꞌësarahuë. Yosënënaco niꞌto, topinan nichaꞌësarahuë. Co ahuëtatona chaꞌësapihuëꞌ. Sahuëni, pëꞌchinan, cahuarioroꞌsaꞌ, sontaroꞌsa cahuarioquë paꞌpisopita, co inapita nohuantarahuëꞌ,” itaantarin.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Romanos 8:37

Ina nipirinhuëꞌ, Quisocristo nosororinpoaꞌ. Parisitapirëhuahuëꞌ, nani tahuëri catahuarinpoaꞌ sopai minsëcaso marëꞌ. Nóya cancantarëhuaꞌ.

Josué 10:8

Coꞌhuara Capaonquë paꞌshátërasoihuëꞌ, Siniorori Cosoi itapon: “Ama amororoꞌsa tëꞌhuatëquësohuëꞌ. Carinquën catahuaranquën yaꞌipi inapita minsëamasoꞌ,” itërin.

1 Samuel 14:6

Papon pochin Conatansoꞌ, catahuarinso itapon: —Huiristino sontaroꞌsasoꞌ motopi aquëtëran yaꞌhuëapi. Inapitasoꞌ co canpoa pochin Yosë chinotopihuëꞌ. Huëquë inatohua paꞌa. Tapona Sinioro catahuarinpo inapita minsërëꞌ. Ina topachina caraíchinta nipirinahuëꞌ, inimicoroꞌsa minsëpi. Naꞌanta nipachina ina nohuanton minsëtopi, itërin.

1 Samuel 18:17

Aꞌna tahuëri Saonori Tapi itapon: —Natanquë api shaꞌhuichinquën: Chiníquën cancantaton Sinioro marëꞌ ahuëtëquëꞌ. Ina pochin nicacaso marëꞌ huiꞌnahuë paninan nininsoꞌ quëtaranquën. Inasoꞌ, Mirapo itërahuë, itërin. “Huiristinoꞌsari tëpahuachinaꞌ, co caora chachin tëpaꞌhuaso yaꞌhuëaponhuëꞌ,” taꞌton napotërin.