1 Samuel 17:4 - Chayahuita (Shahui)

⁴ Huiristino sontaroꞌsa quëran, ahuëtacaso caniaritacaso marëꞌ aꞌnara sontaro pipirin. Cara mitro pochin naporopitërinsoꞌ. Inaso Coriato itopi. Cato ninano itopiquë yaꞌhuërin.

1 Samuel 17:4 ပူးပေါင်းရင်းမြစ်များ

Amós 2:9

Ina quëran Siniorosoꞌ, piyapinënpita itapon: “Iráca caso shimashonëmapita isoporinquë poꞌmocaꞌhuaso marëꞌ amororoꞌsa ataꞌhuantërahuë. Inapitasoꞌ nonara pochin inapatopirinahuëꞌ, ataꞌhuantërahuë nopri nara pochin chiníquënoꞌsa nipirinahuëꞌ, inapotërahuë.

1 Samuel 17:23

Nontapirinhuëꞌ, huiristino sontaroꞌsa panshinpi quëran, Coriato chachin pipiantarin. Pipirahuaton naquëranchin Israiro sontaroꞌsa noꞌhuiantarin. Noꞌhuitërinsoꞌ Tapinta natanin.

1 Samuel 17:3

Huiristinoꞌsasoꞌ, aꞌna motopiaꞌhuaquë panshinpi. Israiroꞌsanta aꞌnaquë panshinpi. Aꞌna motopianariáchin yaꞌshopirin.

1 Samuel 17:5

Motën yaꞌcopicaso marëꞌ shaꞌpi huaꞌna quëran casco nipinan yancorin. Cancanën, pinën, inapita yaꞌcopicaso marëntaꞌ, inanpi huaꞌna quëran chachin nipinan aꞌmorin. Aꞌnatërápo shonca aꞌnatërápo quiro pochin quëquëninsoꞌ aꞌmorin.