1 Samuel 17:38 - Chayahuita (Shahui)

³⁸ Napotahuaton sontaronënpita camairin Tapi aꞌmotacaiso marëꞌ. Inaora aꞌmorinso chachin aꞌmotopi. Casco shaꞌpi huaꞌna quëran nipisoꞌ, ayancotopi. Huaꞌna coton aꞌmotopi.

1 Samuel 17:38 ပူးပေါင်းရင်းမြစ်များ

1 Samuel 17:37

Paꞌpiniꞌ, tocaniꞌ, inapita quëran Sinioro nichaꞌërinco. Ina chachin pasoꞌ huiristino sontaro quërantaꞌ, nichaꞌësarinco, itërin. Napohuachina Saonori itapon: —Inta nipachin. Naporan niꞌquëhuarëꞌ, paquëꞌ. Sinioro catahuainquën, itërin.

1 Samuel 17:39

Ina aꞌmotohuachinara, aꞌmorinso aipi sintoronquë nitonporin. Inaquë sahuëninën pëꞌtënahuaton, iratacaso tënirin. Iratopirinhuëꞌ yacantërin. Napoaton aꞌnaroáchin Saono itapon: —Isanpi co noꞌquiatorahuëꞌ yacantërahuë, itërin. Napotahuaton aꞌmotopisoꞌ, yaꞌipi paꞌcoirin.