1 Samuel 17:37 - Chayahuita (Shahui)

³⁷ Paꞌpiniꞌ, tocaniꞌ, inapita quëran Sinioro nichaꞌërinco. Ina chachin pasoꞌ huiristino sontaro quërantaꞌ, nichaꞌësarinco, itërin. Napohuachina Saonori itapon: —Inta nipachin. Naporan niꞌquëhuarëꞌ, paquëꞌ. Sinioro catahuainquën, itërin.

1 Samuel 17:37 ပူးပေါင်းရင်းမြစ်များ

Salmos 118:6

¡Sinioro catahuararinco niꞌton, co tëꞌhuatarahuëꞌ! Co piyapiꞌsa maꞌsha onpotiincoso yaꞌhuërinhuëꞌ.

Salmos 63:7

Naꞌcon catahuaranco niꞌton, inchinan quëran sëꞌquërëso pochin, quëpatonco co onporonta aꞌpoarancohuëꞌ. Anpiantëhuanoꞌsa huaꞌhuin toꞌcohuëtërinso pochin aꞌpairanco. Napoaton noya ancantato cantarahuë.

Josué 1:17

Moisësë camaihuachincoira natërai. Inapochachin quëmanta natëarainquën. Isoíchin nohuantëraisoꞌ shaꞌhuichinquën: Sinioroso Yosënënpoa niꞌton, Moisësë caꞌtanaton catahuarin. Inapochachin quëmanta caꞌtanatënquën catahuainquën.

Rota naporinso' 2:4

Inapoaton maꞌpatasoꞌ, imin huaꞌanën Pirin quëran canquirin. Canquirahuaton yaquinaꞌpiroꞌsa noya nontërin: “Sinioro chachin catahuainquëmaꞌ,” itërin. Napotohuachina piyapinënpitantaꞌ, “Quëmanta Sinioro catahuainquën,” itopi.

1 Samuel 17:36

Paꞌpiniꞌ nisapirinhuëꞌ, tocaniꞌ nisapirinhuëꞌ, inapotato tëparaꞌpiarahuë. Paso huiristinonta co Yosë chinotaponahuëꞌ, naporinso marëꞌ inapotarahuë. Canpoasoꞌ, Yosë nanpiárin nininso imarëhuaꞌ. Ina sontaronënpoapita nipirëhuahuëꞌ noꞌhuirinpoa niꞌton, tëpaarahuë.

1 Samuel 17:38

Napotahuaton sontaronënpita camairin Tapi aꞌmotacaiso marëꞌ. Inaora aꞌmorinso chachin aꞌmotopi. Casco shaꞌpi huaꞌna quëran nipisoꞌ, ayancotopi. Huaꞌna coton aꞌmotopi.

1 Samuel 20:13

Co noyahuëꞌ yonquirapihuachinquëntaꞌ, Yoscoarëꞌ shaꞌhuitaranquën. Inapotatënquën catahuaranquën noya taꞌacaso marëꞌ. Coꞌsoꞌ inapotohuatënquënhuëꞌ, Sinioro chiníquën anaꞌinchinco. Naporahuaton ina chachin quëmanta catahuainquën. ¡Iráca tata catahuarinso pochachin nichinquën!

1 Samuel 24:19

Inso tëranta inimiconën tëpachináchin quënanpachina, co onporonta nichaꞌërinhuëꞌ. Napoaton noya niꞌnancoso marëꞌ, quëmanta Sinioro noya niꞌinquën.

1 Samuel 7:12

Ina quëran Samoirosoꞌ, panca naꞌpi macacaiso camaitërin. Ina macatona Mispa quëran Sën itopiso motopiaꞌhuayaquë ira paꞌninsoꞌ huáncana acorin. Ina naꞌpi acorinsoꞌ, aninihuanin: “Ipini-sëri,” itërin. “Isëquë huarëꞌ Sinioro catahuarinpoaꞌ,” tapon ina pochin nohuitërin.