1 Samuel 17:24 - Chayahuita (Shahui)

^24-25 Ina nicatona Israiro sontaroꞌsasoꞌ paꞌpi tëꞌhuatopi. Tëꞌhuatatona pinëna quëran paꞌsa paꞌsapi. Napoatona ninapotapi: “¡Niꞌcoꞌ! ¡Ina sontaro chachin pipiantarin! ¡Anoꞌhuitiinpoaso marëꞌ napoárin! Napoápirinhuëꞌ, insoari tëranta ina canahuachin, copirnori notohuaroꞌ maꞌsha paꞌton nininsoꞌ quëtapon. Ina quëtahuaton aꞌnara huiꞌnin nanon yaꞌhuëtërinsoꞌ, acoantapon. Naporahuaton ina quëmopinënpitasoꞌ, co huachi copirno marëꞌ pahuërëtáponahuëꞌ,” tosapi.

1 Samuel 17:24 ပူးပေါင်းရင်းမြစ်များ

Isaías 30:17

Huarancanquëma nipomarahuëꞌ, aꞌna inimico sontaroíchin nitaꞌataponquëmaꞌ. Aꞌnatërápo inimico sontaroíchin niponaraihuëꞌ, yaꞌipinquëma nitaꞌatarinquëmaꞌ. Tomaroꞌtë motopiquë pantira naranën aꞌhuanipiso pochin nicama huarëꞌ napoaramaꞌ.

Isaías 7:2

Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Números 13:33

Panca piyapi Anaco itopisoꞌ shinpitanta quënanai. Inapita pirayan huanihuatoira, sëquërëya pochin ninatanai. Inapitanta nicatoncoi, ina pochin cancantërinacoi, itopi.

Deuteronomio 32:30

Napoaton israiroꞌsa napotërahuë: Tëhuënchachin mini tananpitëranquëmaꞌ. Napoaton aꞌnaíchin inimico sontaro nipirinhuëꞌ, huarancanquëma nitaꞌatërinquëmaꞌ. Catoyáchinta nipirinahuëꞌ, shonca huarancanquëma nitaꞌatërinquëmaꞌ. Carinquëma aꞌpaiápiranquëmahuë tananpitëranquëma niꞌton, ca nohuanto inimicoroꞌsa minsërinquëmaꞌ,’ itërahuë,” tënin.

1 Samuel 17:11

Saonoso sontaronënpitarë chachin naporinsoꞌ, natanpi. Ina natanahuatonaꞌ, paꞌpi paꞌyanpi.

1 Samuel 17:23

Nontapirinhuëꞌ, huiristino sontaroꞌsa panshinpi quëran, Coriato chachin pipiantarin. Pipirahuaton naquëranchin Israiro sontaroꞌsa noꞌhuiantarin. Noꞌhuitërinsoꞌ Tapinta natanin.