1 Samuel 17:22 - Chayahuita (Shahui)

²² Tapisoꞌ quëparinsopita, aꞌna sontaro quëtërin aꞌpaitacaso marëꞌ. Cosharoꞌ, ahuëtacaiso marëꞌ ohuarapisopita, inapita aꞌpairinsoꞌ quëtërin. Sontaroꞌsa panshinpiquë taꞌaontarahuaton, iin mashonënpita nontoonin.

1 Samuel 17:22 ပူးပေါင်းရင်းမြစ်များ

Génesis 37:14

—Inta conpa. Paꞌsahuaton iyamashoroꞌsa niꞌcontaquëꞌ. Ohuicaroꞌsaꞌ, chiporoꞌsaꞌ, inapitanta onpoinsona nisapisoꞌ, nahuicontaquëꞌ. Ina quëran huëꞌsahuaton, onpoapisona shaꞌhuitiico canta nitochi, itërin. Cacoposo Ipron motopianaroꞌsa quëran, Cosi aꞌparin. Inaso paꞌsápaton Siquimoquë canconin.

2 Samuel 11:7

Canquihuachina, onpopinsona amonoꞌsarëꞌ niahuëpiso natanin. Coapo huaꞌan, sontaroꞌsaꞌ, inapitanta onpopinsona yaꞌhuëapiso natanin. Napotohuachina, Oriasëri inapita shaꞌhuitërin.

1 Samuel 17:21

Israiro sontaroꞌsa huiristino sontaroꞌsarëꞌ ninotëcaiso marëꞌ panshinpi.