1 Samuel 17:18 - Chayahuita (Shahui)

¹⁸ Isonta shonca quiso ohuaca shoꞌshoiꞌ quëran nipinan, capitan huaꞌan quëpatëquëꞌ. Iya mashoroꞌsa onpoinsona nisapisoꞌ, niꞌcontaquëꞌ. Naporahuaton noya yaꞌhuapiso nitotaꞌhuaso marëꞌ, maꞌsha tëranta quëchinën quëshico, itërin.

1 Samuel 17:18 ပူးပေါင်းရင်းမြစ်များ

Génesis 37:13

Naporoꞌ paꞌpini Cosi itapon: —Niꞌquë conpa. Iya mashoroꞌsa Siquimo yaꞌcari yaꞌhuëapi. Inaquë ohuicaroꞌsaꞌ, chiporoꞌsaꞌ, inapita aꞌpairapi. Paaton niꞌcontaquë topirahuë, itërin. —Noya tatapaꞌ. Paꞌi nipachin, itërin.

Génesis 37:14

—Inta conpa. Paꞌsahuaton iyamashoroꞌsa niꞌcontaquëꞌ. Ohuicaroꞌsaꞌ, chiporoꞌsaꞌ, inapitanta onpoinsona nisapisoꞌ, nahuicontaquëꞌ. Ina quëran huëꞌsahuaton, onpoapisona shaꞌhuitiico canta nitochi, itërin. Cacoposo Ipron motopianaroꞌsa quëran, Cosi aꞌparin. Inaso paꞌsápaton Siquimoquë canconin.

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

1 Samuel 16:20

Napotohuachina Quisisoꞌ huiꞌnin Tapi itërinsoꞌ, Saono aꞌpatiirin. Inaquë Quisisoꞌ, Saono isopita aꞌpatërin: Aꞌna moraquë pansáchin, aꞌpatërin. Aꞌna shaꞌhuëtë morsaquënta huino aꞌpatërin. Naporahuaton aꞌnara chipoaꞌhua, aꞌpatërin.

1 Samuel 17:19

Saonosoꞌ sontaronënpitarë chachin huiristino sontaroꞌsarë ninoꞌhuirápi. Ira motopianaquë naporápi. Tapi iin mashonënpitantaꞌ, inaquë nisapi.