1 Samuel 17:12 - Chayahuita (Shahui)

¹² Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.

1 Samuel 17:12 ပူးပေါင်းရင်းမြစ်များ

Génesis 35:19

Inapo chimintërin Naquira. Napoaton Iporata ira pirayan paꞌpitopi. (Iporataso ipora marëꞌ, Pirin itopi.)

2 Samuel 23:1

Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Mateo 1:6

Quisintaꞌ huiꞌnahuanpachina, Tapi itopi. Inasoꞌ copirno yaꞌconin. Ina quëran Oriasëcoꞌ saꞌin masahuaton, huiꞌnahuanin. Saromon itopi.

Mateo 2:1

Quisososoꞌ Pirinquë nasitërin. Cotia parti chachin nasitërin. Naporoꞌ Irotisëri inaquë huaꞌanëntërin. Ina quëran tayora nitotonaꞌpiroꞌsaꞌ canquipi. Piꞌi pipirinso parti quëran huëꞌpi. Canquihuachinara, Quirosarinquë, natantiipi:

Mateo 2:6

“Cotiaquë aꞌna ninanoꞌ yaꞌhuërin, Pirin itopisoꞌ. Co panca ninanoyahuëꞌ niponahuëꞌ, inaquë aꞌna copirno nasitapon. Naꞌa copirnoroꞌsaꞌ Cotia parti yaꞌhuëpirinahuëꞌ, inasoꞌ chini chiníquën nanantapon. Yaꞌipi piyapinëhuëpita israiroꞌsaꞌ itopisoꞌ huaꞌanëntapon,” tënin Yosë, itopi.

Rota naporinso' 4:17

Ina nicatonaꞌ, niyacapapisoꞌ capini sanapiꞌsarisoꞌ itaponaꞌ: —¡Noimi huaꞌhuin miáchin huaꞌhuatatë pochin ninin! topi. Inahuari chachin aninihuanatonaꞌ, Opito itopi. Inasoꞌ Quisi paꞌpin niꞌton, Tapi shimashonën.

1 Samuel 1:1

Iprain huënton motopiroꞌsaquë aꞌnara ninano yaꞌhuërin Nama itopisoꞌ. Inaquë aꞌnara quëmapi Iricana itopiso yaꞌhuërin. Inasoꞌ, Sohui itopisoꞌ shiin. Iricanasoꞌ, Iroamo itopisoꞌ huiꞌnin. Iroamonta paꞌpin, Irio itopi. Irionta paꞌpin, Too itopi. Toonta paꞌpin, Sohui itopi. Inasoꞌ, Iprain huënton quëmapi.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 16:18

Napotohuachina aꞌnara piyapinëni itapon: —Quisi Pirinquë yaꞌhuërinsoꞌ, aꞌnara huiꞌnin arpa noya piꞌnirin. Inasoꞌ, chiníquën cancantaton míso ahuëtërin. Noya yonquiaton nonin. Noyapin noyapin niꞌtërin. Siniorori naꞌcon catahuarin. Naporin. Inasoꞌ nininën Tapi, itërin.

1 Samuel 17:11

Saonoso sontaronënpitarë chachin naporinsoꞌ, natanpi. Ina natanahuatonaꞌ, paꞌpi paꞌyanpi.

1 Samuel 17:58

Quëꞌcanconpachina, inari natanin: —Shaꞌhuitoco huiꞌnapi ¿Inta quëmaso tata? itërin. —Quëmasoꞌ sinioro copirno, chiníquën nanantëran. Caso tatahuë, Quisi itopi. Inasoꞌ, quëma piyapinën pochin ninin. Pirinquë yaꞌhuërin, itërin Tapiri.