1 Samuel 17:11 - Chayahuita (Shahui)

¹¹ Saonoso sontaronënpitarë chachin naporinsoꞌ, natanpi. Ina natanahuatonaꞌ, paꞌpi paꞌyanpi.

1 Samuel 17:11 ပူးပေါင်းရင်းမြစ်များ

Salmos 118:6

¡Sinioro catahuararinco niꞌton, co tëꞌhuatarahuëꞌ! Co piyapiꞌsa maꞌsha onpotiincoso yaꞌhuërinhuëꞌ.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

1 Samuel 13:7

Naꞌcon chachin Israiro sontaroꞌsa Cortaniiꞌ pëntontopi. Caro huënton noꞌpanën parti, naꞌpicaiso marëꞌ napopi. Carata partintaꞌ, paꞌpi. Saonoso napoaponahuëꞌ, Quiricaroquëranchin quëparitërin. Yaꞌipi sontaronënpitanta paꞌpi tëꞌhuaponaraihuëꞌ, inarë quëparitopi.

1 Samuel 17:10

Ipora tahuëri carinquëma napotaranquëmaꞌ. ¡Aꞌnara aꞌpaimaco oꞌmain! tënin chiníquën noꞌhuitaton.

1 Samuel 17:12

Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.

1 Samuel 7:7

Huiristinoꞌsanta niyontonpiso natantopi. Ina natantatonaꞌ, huaꞌanënapitasoꞌ, sontaronënapitarë chachin israiroꞌsa ahuëcaiso marëꞌ huëcapaipi. Ina natanatonaꞌ, inahuaso tëꞌhuatopi.