1 Samuel 16:20 - Chayahuita (Shahui)

²⁰ Napotohuachina Quisisoꞌ huiꞌnin Tapi itërinsoꞌ, Saono aꞌpatiirin. Inaquë Quisisoꞌ, Saono isopita aꞌpatërin: Aꞌna moraquë pansáchin, aꞌpatërin. Aꞌna shaꞌhuëtë morsaquënta huino aꞌpatërin. Naporahuaton aꞌnara chipoaꞌhua, aꞌpatërin.

1 Samuel 16:20 ပူးပေါင်းရင်းမြစ်များ

Génesis 43:11

Napotohuachina, paꞌpini itapon: —Co onpotacasohuëꞌ niꞌquëhuarëꞌ, isopoco nipachin: Huaꞌan nicanacamaso marëꞌ iso noꞌpaquë maꞌsha noya noyatërinsopita costaronëmaquë quëpacoꞌ: Parsamo nimirio, ninoiꞌ, pimo huaꞌsaiꞌ, pimo yaquiꞌ, tanpapi nitërinsoꞌ, niꞌto nitërinsoꞌ, inapita piꞌpian piꞌpian poꞌmotahuatomaꞌ, quëpacoꞌ.

1 Samuel 10:27

Aꞌnaquëniso napoaponahuëꞌ, nocanatona itaponaꞌ: “¡Co onporonta isoso inimiconënpoapita quëran nichaꞌësarinpoahuëꞌ!” topi. Napotatona nocanpi. Naporahuaton co maꞌsha tëranta noya nicatonaꞌ, nicarapihuëꞌ. Saonoso nipirinhuëꞌ, napopisoꞌ natanaponahuëꞌ, co nataninhuë pochin ninin.

1 Samuel 10:4

Inapitasoꞌ nontahuatënën, cato pan quëtarinën. Maꞌpaquëꞌ.

1 Samuel 16:19

Naporoꞌ Saonosoꞌ aꞌnara piyapinën camairin: “Paaton Quisi shaꞌhuitontaquëꞌ: ‘Huiꞌnan Tapi itëransoꞌ, aꞌpatiico. Inasoꞌ, ohuicanënpita aꞌpairin,’ tënin Saono, itëquëꞌ,” itërin.

1 Samuel 17:18

Isonta shonca quiso ohuaca shoꞌshoiꞌ quëran nipinan, capitan huaꞌan quëpatëquëꞌ. Iya mashoroꞌsa onpoinsona nisapisoꞌ, niꞌcontaquëꞌ. Naporahuaton noya yaꞌhuapiso nitotaꞌhuaso marëꞌ, maꞌsha tëranta quëchinën quëshico, itërin.