1 Samuel 16:16 - Chayahuita (Shahui)

¹⁶ Napoaton camaitëquë aꞌnara arpa nito piꞌnirinsoꞌ yoníchinën. Onporosona sopai aparisitohuachinquën, inari arpa piꞌniꞌin. Piꞌnihuachina quëmasoꞌ noya ninataanan, itopi.

1 Samuel 16:16 ပူးပေါင်းရင်းမြစ်များ

Génesis 41:46

Cosi cara shonca piꞌipitohuachina, Iquipito copirno marëꞌ caniaritërin sacatacasoꞌ. Nani acohuachina, huaraon nontahuaton caniaritërin yaꞌipi Iquipito noꞌpaꞌ paꞌtacasoꞌ.

1 Reyes 10:8

¡Saꞌanpita, yaꞌipi piyapinënpita, inapita nóya yaꞌhuëpi niꞌnahuë! Inapitasoꞌ nani tahuëri nonansoꞌ natanápatonaꞌ, capa cancantopi, tënahuë.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.

1 Samuel 16:14

Naporo tahuëriꞌsa Sinioro ispiritonënsoꞌ, Saono quëran pipirin. Ina pipihuachina Yosë nohuanton sopairi yaꞌcoancantërin. Inari yaꞌcoancantohuachina, ahuaꞌyantaton aparisitárin.

1 Samuel 16:15

Napoaton piyapinënpitari itaponaꞌ: —Yosë nohuanton sopai aparisitárinquën. Inapotohuachinpora, mosica piꞌnipiso natanpatëra noya ninatanëꞌ.

1 Samuel 16:17

—Noyapaꞌ. Aꞌnara nipachin arpa nito piꞌnirinsoꞌ yonitoma quëshico, itërin.

1 Samuel 18:10

Tahuëririnquë naquëranchin aparisitërinso sopairi, Saono aparisitaantarin. Napohuachina pëinënquë huaꞌyantaantarin. Nansanën sëꞌquërin quëran huaꞌyantasoꞌ, Tapisoꞌ arpanën piꞌnirarin. Huaꞌyantohuachina yápiꞌnirin niꞌton, napoantarin.

1 Samuel 19:9

Ina piquëran Tapisoꞌ Saono pëinënquë huënantarin. Aꞌna tahuëri Saonosoꞌ naquëranchin sopairi yaꞌcoancantaantarin. Nansanën sëꞌquërin quëran patoananënquë huënsëaso napoantarin. Tapisoꞌ arpa piꞌniarin. Napoápirinhuë aꞌnanaya Saonori nansaquë tëꞌyanantërin: “Pairaquë payon payontaꞌi,” taꞌton tëꞌyanantopirinhuëꞌ, pashi charinso pairaraꞌ ohuanin. Naporo tashi chachin Tapisoꞌ, pëinënquë taꞌarin.