1 Samuel 16:13 - Chayahuita (Shahui)

¹³ Siniorori napotohuachina, inaso pomonquë toma quëninsoꞌ manin. Ina masahuaton iinpita niꞌtonënquë copirno nicacaso marëꞌ acorin. Inasoꞌ huiꞌnapi Tapi itopi. Naporo quëran huarëꞌ Sinioro ispiritonëni yaꞌcoancantërin. Ina piquëran coshatopi huachi. Nani coshatohuachinara Samoirosoꞌ, yaꞌhuërinꞌpaꞌ panantarin. Inasoꞌ, shaꞌhuitëranquëmaso chachin Namaquë yaꞌhuërin.

1 Samuel 16:13 ပူးပေါင်းရင်းမြစ်များ

2 Samuel 12:7

Naporoꞌ Natani itapon: —Quëma mini, ina maꞌhuan pochin ninan. Naporin Sinioro chinotërëhuasoꞌ: “Israiroꞌsa copirnonëna nicamaso marëꞌ carinquën huayonanquën. Saono quëran nichaꞌëranquën. Ina pëinën, saꞌinpita, inapita quëtëranquën. Yaꞌipi israiroꞌsanta huaꞌanëntamaso marëꞌ quëtëranquën: ‘Co inaíchin nanitërincohuëꞌ,’ tënanta nicaipoꞌ, aquë aquëtë quëchitënquënhuëꞌ.

2 Samuel 2:4

Ina piquëran Cota huënton quëmapiꞌsa Ipronquë niyontonpi. Tapinta ina huënton quëmapi niꞌton, copirnonëna nicacaso marëꞌ inaquë acopi. Capisi ninano Carata parti yaꞌhuërin. Inaquë yaꞌhuëpisopitari Saono nosoroatona paꞌpitopisoꞌ, Tapi natantërin. Ina natantaton, inapita shaꞌhuitacaiso marëꞌ comisionoꞌsa aꞌparin. Iso pochin taꞌcaisoꞌ aꞌparin: “Saonosoꞌ copirnonënpoa niꞌton, ina naꞌcon nosoroatoma paꞌpitëramaꞌ. Ina marëꞌ canpitanta Sinioro chachin catahuainquëmaꞌ.

2 Samuel 23:1

Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

2 Samuel 5:3

Inapoatona yaꞌipi Israiro ansianoroꞌsari Tapi Ipronquë nontoonpi. Napotohuachinara inarintaꞌ, “Sinioronta niꞌsárinco niꞌton, noya camaitarahuë,” itahuaton inapitarëꞌ anoyatërin. Napohuachina, inapitaso yaꞌipi israiroꞌsa copirnonëna nicacaso marëꞌ acopi huachi.

Salmos 89:20

Inasoꞌ, Tapi. Piyapinëhuë huayonahuësoꞌ. Ca marëꞌ toma nipiquë opomototohuachina, copirno nicacaso marëꞌ acorahuë.

Salmos 89:21

Inasoꞌ, cari chachin catahuarápo. Chini chiníquën nanantato achinirápo.

Números 11:17

Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Números 27:18

—Non huiꞌnin Cosoi itëramasoꞌ, nani huayonato ispiritonëhuë ayaꞌcoancantërahuë. Ina sëꞌhuamotorahuaton, israiroꞌsa catahuacaso marëꞌ acoquëꞌ.

Juan 3:34

Quisososoꞌ Yosë nanamën chachin nonin. Ispirito Santori noyá yaꞌcoancantërin niꞌton, noꞌtëquënáchin nonin.

Hechos 13:22

Yosëri ocoirahuaton, Tapi acorin. Quisi huiꞌnin inasoꞌ. Nóya quëmapi niꞌton, Yosëri noya niꞌnin. “Tapisoꞌ ca pochin cancantërin. Noya niꞌnahuë. Noꞌtëquën natëarinco,” tënin Yosë.

Hebreos 1:9

Noyasáchin yonquiaran. Co piꞌpisha tërantaꞌ oshahuanamasoꞌ yonquiaranhuëꞌ. Napoaton noya niꞌnanquën. Noya noya acoranquën niꞌton, yaꞌipi nipayaransopita quëran noya noya cancantaran,” itërin Yosëri. Quiricanënquë ninshitopi.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

Jueces 13:25

Sansonsoꞌ Tano huënton israiroꞌsa yaꞌhuëpiquë yaꞌhuërin. Sora quëran, Istaoro ninanoꞌpaꞌ ira paꞌninsoꞌ huáncana yaꞌhuërin. Aꞌna tahuëri inaquë niꞌsoꞌ, Sinioro ispiritonëni yaꞌcoancantërin. Yaꞌcoancantaton chini chiníquën nicacaso catahuararin.

Jueces 14:6

Naporoꞌ Sinioro ispiritonëni noyá yaꞌcoancantërin. Yaꞌcoancantohuachina, paꞌpiniꞌ manin nicaso chipoaꞌhua onoatë pochin nitërin. Co maꞌsha tëranta sëꞌquëaponahuëꞌ napotërin. Napoaponahuë naporinsoꞌ, co paꞌpin, aꞌshin, inapita shaꞌhuitërinhuëꞌ.

1 Samuel 1:19

Tahuëririnquë aꞌcayan Yosë chinotahuatonaꞌ, yaꞌhuëpiꞌpaꞌ paantapi. Ina quëran Iricanasoꞌ, saꞌin ichihuëꞌërin. Naporoꞌ Siniorosoꞌ, Anari nontërinsoꞌ yonquiaton catahuarin.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 10:6

Naporoꞌ Sinioro ispiritonën noyá yaꞌcoancantarinquën. Ina nohuanton quëmanta inapita pochin pënëntaran. Inapotahuatënquën Sinioro anishatarinquën.

1 Samuel 11:6

Ina natanpachina, Saonoso Yosë ispiritonëni yaꞌcoancantërin. Naporoꞌ Naasë naporinso marëꞌ paꞌpi noꞌhuitërin.

1 Samuel 16:18

Napotohuachina aꞌnara piyapinëni itapon: —Quisi Pirinquë yaꞌhuërinsoꞌ, aꞌnara huiꞌnin arpa noya piꞌnirin. Inasoꞌ, chiníquën cancantaton míso ahuëtërin. Noya yonquiaton nonin. Noyapin noyapin niꞌtërin. Siniorori naꞌcon catahuarin. Naporin. Inasoꞌ nininën Tapi, itërin.

1 Samuel 18:12

Napohuachina Saonosoꞌ, Tapi tëꞌhuatërin huachi: “Siniorori inasoꞌ naꞌcon catahuarin. Caso nipirinhuëꞌ, co huachi catahuarincohuëꞌ,” taꞌton tëꞌhuatërin.