1 Samuel 16:11 - Chayahuita (Shahui)

¹¹ Ina quëran Quisi nataantarin: —¿Inaíchin yaꞌipiya quëran huiꞌnanpita? taantarin. —Huaꞌhua nininso pahuanin. Inaso ohuicaroꞌsa aꞌpairarin, itërin Quisiri. —Aꞌnara aꞌpaquë macontaꞌin. Ina canquia huarëꞌ, coshatarëhuaꞌ, itërin Samoirori.

1 Samuel 16:11 ပူးပေါင်းရင်းမြစ်များ

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

1 Samuel 16:10

Inapochinachin Quisisoꞌ, canchisë huiꞌninpita Samoiro aꞌnotërin. Inariso napoaponahuëꞌ, itapon: “Isopita huiꞌnanpitasoꞌ, co Siniorori huayoninhuëꞌ,” itërin.

1 Samuel 17:28

Iriaposo napoaponahuëꞌ, Tapi naporinso natanin. Ina natanaton, iyaꞌhuain chiníquën noꞌhuiton itapon: —¡Co quëmaso isoporinquë huëcamaso nipirinhuëꞌ! Quëmaso ohuicaroꞌsa nicacaso yaꞌhuërin. Inapitaso inotëroquë yaꞌhuërapi. Co aꞌna aꞌpainaꞌpi acoantaton huëshicasohuëꞌ nipirinhuëꞌ. ¡Co natantonquënhuë niꞌton, quira nisaraiso topinan costacaso marëꞌ huëꞌnan! itërin.