1 Samuel 16:1 - Chayahuita (Shahui)

¹ Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 16:1 ပူးပေါင်းရင်းမြစ်များ

1 Reyes 8:16

‘Israiroꞌsa Iquipito quëran ocoirahuë. Naporo quëran huarëꞌ co aꞌna ninano tërantaꞌ, noꞌpanëmaquë chinotamacoso pëi nitamacoso marëꞌ huayonahuë. Quëmaso napoaponahuëꞌ, cari chachin huayonanquën israiroꞌsa huaꞌanëntamaso marëꞌ,’ itërin.

Isaías 11:1

Nara motoꞌ itëquën quëran pichopitahuaton papotaantarinso pochin aꞌna tahuëri Quisi shiin copirno yaꞌconaton, huaꞌanëntapon.

Isaías 11:10

(-)

Isaías 55:4

Nisha nisha piyapiroꞌsa naporahuësoꞌ shaꞌhuitacaso marëꞌ, cari ina acorahuë. Nisha nisha parti yaꞌhuëpisopita huaꞌanëntaton aꞌchintacaso marëꞌ acorahuë.

Jeremías 15:1

Aꞌna tahuëri Sinioro nontatonco itaponco: “Israiroꞌsa nichaꞌëahuaso marëꞌ Moisësë, Samoiro, inapita nontopirinacohuë tërantaꞌ, co nosoroꞌitohuëꞌ. Shaꞌhuitëquë noꞌpanëhuë quëran pipiinaꞌ.

Jeremías 6:30

Naponpiso marëꞌ inapitasoꞌ, ‘prata chiꞌchirotërinso pochin niconpi,’ itaponaꞌ. Aꞌporan niꞌton, inapo nohuitaponaꞌ,” itërahuë carintaꞌ.

Jeremías 7:16

Ina quëran Sinioro itaantaponco: “Quëmasoꞌ, ama isopita marëꞌ nontocosohuëꞌ. Ama napion ancantaton nontocosohuëꞌ. Ina pochin ancantaton nontopirancohuë tërantaꞌ, co aꞌpaniaranquënhuëꞌ.

Romanos 15:12

Isaiasëntaꞌ Quisocristo ninoton, ninshitërin. “Aꞌna tahuëri Quisi shiin nasitimapon. Cotio piyapi niponahuëꞌ, mashotohuachin, yaꞌipi piyapiꞌsaꞌ huaꞌanëntarin. Nisha nisha piyapiꞌsarintaꞌ ina natëtonaꞌ, ninarapi,” tënin.

Hebreos 11:32

Co inapitaráchin Yosë natëpihuëꞌ. Quitiono, Paraco, Sanson, Quihuiti, Tapi, Samoiro, pënëntonaꞌpiroꞌsaꞌ, inapitantaꞌ nóya natëtopi. ¡Notohuaroꞌ yaꞌhuëpi niꞌton, coꞌchi nanitërahuëꞌ yaꞌipiya shaꞌhuitaꞌhuaso paya!

1 Juan 5:16

Aꞌnaquën Yosë imamiataponahuëꞌ, co noyahuëꞌ ninin. Co Yosë aꞌpoaponahuëꞌ, oshahuanin. Inapita marëꞌ Yosë nontahuaꞌ anoyacancanchin. Aꞌnaquënso nipirinhuëꞌ imapirinhuëꞌ, co noyahuëꞌ yonquiaton, Quisocristo chachin aꞌpomiatërin. Aꞌpomiatohuachina, chiminpi pochin cancantantapi. Co inapita marëꞌ Yosë nontacasoꞌ yaꞌhuërinhuëꞌ.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.

1 Samuel 15:26

Napotopirinhuëꞌ, Samoiroriso itaantarin: —Co quëmaroꞌco panantapohuëꞌ. Sinioro camairinquënso nocananso marëꞌ, iporasoꞌ inantaꞌ, quëma Israiro copirno nisápamasoꞌ nocaninquën, itërin.

1 Samuel 15:35

Naporo quëran huarëꞌ Samoirosoꞌ nanpipon co huachi Saono quënanchininhuëꞌ. Siniorori Saono israiroꞌsa copirnonën nicacaso marëꞌ acorin. Napoaponahuëꞌ, co huachi ina marëꞌ nohuantërinhuëꞌ niꞌton, Samoiro sëtërin. Sëtaponahuëꞌ, co huachi niꞌchininhuëꞌ.

1 Samuel 16:15

Napoaton piyapinënpitari itaponaꞌ: —Yosë nohuanton sopai aparisitárinquën. Inapotohuachinpora, mosica piꞌnipiso natanpatëra noya ninatanëꞌ.

1 Samuel 16:23

Inapoaton Tapisoꞌ Saono marëꞌ sacatërin. Aꞌna tahuëri Yosë nohuanton sopairi aparisitaantarin. Aparisitohuachina, Tapisoꞌ arpa masahuaton piꞌnirarin. Inapohuachina Saonosoꞌ, chiníquën cancantaton noya ninataantarin. Sopai ispiritonëontaꞌ, Saono piꞌpian tananpitërin.

1 Samuel 17:12

Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.