1 Samuel 15:6 - Chayahuita (Shahui)

⁶ Naporo chachin quiniroꞌsanta nanan aꞌpatërin: “¡Amaricoroꞌsa patahuatoma pipicoꞌ! Canpitaso shimashonëhuëipita Iquipito quëran pipisoiꞌ, nosororamaꞌ. ¡Napoaton ama amaricoroꞌsarëꞌquëma taꞌhuantamaso marëhuëꞌ, pacoꞌ! tënin Saono,” itopi. Napotohuachinara, inahuaso amaricoroꞌsa yaꞌhuëpi quëran pipipi.

1 Samuel 15:6 ပူးပေါင်းရင်းမြစ်များ

Génesis 15:19

Iporasoꞌ: Quiniroꞌsaꞌ, sinisëroꞌsaꞌ, catomonoꞌsaꞌ, itiroꞌsaꞌ, huirisëroꞌsaꞌ, nihuaimoroꞌsaꞌ, amororoꞌsaꞌ, cananoꞌsaꞌ, quiriquiroꞌsaꞌ, quiposoroꞌsaꞌ, inapitari iso noꞌpaꞌ huaꞌanëntapi. Huaꞌanëntapirinahuëꞌ, quëma shiparinpita quëtarahuë, itërin.

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Hechos 2:40

Itahuaton, naꞌcon pënënin. —Ipora yaꞌhuëpisopita co mantaꞌ Yosë yanatëpihuëꞌ. Ina marë noꞌtëquën anaꞌintarin. Canpitaso nipirinhuëꞌ ama inapita pochin cancantocosohuëꞌ. Yosë nontocoꞌ anoyacancanchinquëmaꞌ. Ina quëran chaꞌësaramaꞌ, itërin.

2 Corintios 6:17

Ina quëran Siniorori itantarin: “Aꞌnaquën co noyahuëꞌ cancantohuachinaꞌ, ama inapitarëꞌquëmaꞌ nipayacosohuëꞌ. Co noyahuëꞌ yonquipisoꞌ tananpitocoꞌ. Inapotohuatamaꞌ, noya niꞌsaranquëmaꞌ.

2 Timoteo 1:16

Onisiporoso nipirinhuëꞌ, co naniantërincohuëꞌ. Nomaquë huëꞌsahuaton, yonisápatonco, quënaninco. Co tapanatonhuëꞌ, tashinan pëiquë niꞌquirinco. Naꞌaroꞌ achinicancaninco. Ina marëꞌ yaꞌipi pëinënquë yaꞌhuërinsopita Siniorori naꞌcon catahuain, tënahuë.

Apocalipsis 18:14

Yaꞌhuëhuanoꞌsaꞌ itaponaꞌ: “Huayoroꞌsaꞌ nayaramasoꞌ capa ninin. Naꞌa maꞌsha yaꞌhuëtopirinënquëmahuëꞌ, capa nisarin. Co huachi noya yaꞌhuapomahuëꞌ,” tosapi.

Jueces 4:11

Quitisë ninano yaꞌcariꞌ, aꞌnara insina nara yaꞌhuërin. Saanain itopiquë yaꞌhuërin. Inaquë aꞌnara Quini piyapi Ipiri itopiso yaꞌhuërin. Nëꞌmëtë pëinënpita ótënahuaton, inaquë yaꞌhuërin. Inasoꞌ quëmopinënpitarëꞌ yaꞌhuëpirinhuëꞌ, huëshirahuaton inaquë yaꞌhuërin. Inapitasoꞌ, Opapo shinpita. Opaposoꞌ, Moisësë saꞌin yoꞌin.

Jueces 5:24

Cairiso nipirinhuëꞌ, aꞌnapita sanapiꞌsa quëran noya noya ninin. Inaporin niꞌton, noya yaꞌhuëcaso marëꞌ shaꞌhuitarahuë. Inasoꞌ, Ipiri saꞌin. Ipirinta Quini piyapi. Israiro nëꞌmëtë pëiroꞌsaquë naꞌa sanapiꞌsa yaꞌhuërin. Inapita quëran naꞌcon naꞌcon Cairisoꞌ, noya yaꞌhuëcaso marëꞌ shaꞌhuitarahuë.

1 Samuel 15:5

Ina quëran Saonosoꞌ sontaronënpita Amarico ninanoquë quëparin. Ina yaꞌcari aꞌnara iꞌsha yaꞌhuërin niꞌton, inaquë naꞌpicaiso marëꞌ camairin. Aꞌnanaya amaricoroꞌsa ahuëcaiso marëꞌ napopi.