1 Samuel 15:35 - Chayahuita (Shahui)

³⁵ Naporo quëran huarëꞌ Samoirosoꞌ nanpipon co huachi Saono quënanchininhuëꞌ. Siniorori Saono israiroꞌsa copirnonën nicacaso marëꞌ acorin. Napoaponahuëꞌ, co huachi ina marëꞌ nohuantërinhuëꞌ niꞌton, Samoiro sëtërin. Sëtaponahuëꞌ, co huachi niꞌchininhuëꞌ.

1 Samuel 15:35 ပူးပေါင်းရင်းမြစ်များ

Génesis 6:6

Ina nicaton, sëtërin: “Maꞌmarëcha piyapi acorahuë paya. Ataꞌhuanchi nipachin. Yaꞌipi pëꞌtahuaroꞌsaꞌ, anpiantëhuanoꞌsaꞌ, noꞌpaquë niohuaratërinsopita, inapitarë chachin ataꞌhuantarahuë huachi,” tënin.

2 Samuel 6:23

Naporinso marëꞌ Micarosoꞌ, co huaꞌhuanaꞌpihuëꞌ quëparitërin.

Salmos 119:136

Quëma aꞌchinansopita co piyapiꞌsa natëpihuëꞌ. Ina marëꞌ sëtato naꞌnërárahuë.

Filipenses 3:18

Aꞌnaquënso nipirinhuëꞌ “Yosë imarahuë,” taponaraihuëꞌ, co noyahuëꞌ cancantopi. Quisocristo oshanënpoaꞌ inquitinpoaso marëꞌ corosëquë chiminin. Nipirinhuëꞌ, co inapitasoꞌ ina yonquipihuëꞌ. Ina nanan aꞌchinpatora, noꞌhuitopi. Iporantaꞌ inapita yonquiato, chiníquën sëtato, naꞌnërahuë. Co inapita nonanacasoꞌ yaꞌhuërinhuëꞌ.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 19:24

Naporahuaton oꞌnanpiramantarin. Oꞌnanpirapi Samoiro notënanquë yaꞌipi tahuëri yaꞌipi tashi quëhuënárin. Napoaton piyapiꞌsa nonpachinara paꞌyatopi napocaisoꞌ: “¡Saononta pënëntonaꞌpi antaꞌ!” topi.