1 Samuel 15:33 - Chayahuita (Shahui)

³³ Samoiroriso napoaponahuëꞌ, itapon: —Sahuëninën quëran notohuaroꞌ piyapiꞌsa tiquiran. Napoatona aꞌshina saꞌahuapi. Inapita saꞌahuapiso pochin mamaparinta quëparitapon, itërin. Itahuaton, sahuëniquë tëparin. Sinioro camaitërinso chachin nitahuaton yaquirin. Quiricaroquë naporin.

1 Samuel 15:33 ပူးပေါင်းရင်းမြစ်များ

Génesis 9:6

Insosona piyapi tëpahuachin, aꞌnari iꞌhuërëtarin. Cá pochachin nicamaso marëꞌ acoranquëmaꞌ. Napoaton, co nitëpamaso yaꞌhuërinhuëꞌ.

1 Reyes 18:40

Naporoꞌ Iniasëso camaitaton: —¡Paaro marëꞌ pënëntopisopita yaꞌipi macoꞌ! itërin. Napotohuachina israiroꞌsari yaꞌipi mapi. Nani mapachinara: “Quison iꞌshaquë quëparahuatëhuaꞌ, inaquë tëpaꞌahuaꞌ,” tënin. Napohuachina inaquë quëparahuatona tëpapi.

Éxodo 17:11

Moisësë tanpaquën ihuëpachina, israiroꞌsa canatapi. Aꞌpamahuachinasoꞌ, amaricoroꞌsa canatapi.

Jeremías 18:21

Iporaso napoaponahuëꞌ, huiꞌninapita chimiinaꞌ. Tana quëranhuë nipon, sahuëni quëranhuë nipon, chimiinaꞌ. Saꞌinanta quëyoronatona saꞌahuainaꞌ. Quëmapiꞌsanta chiníquën caniori tëpaꞌin. Huiꞌnapinënapitantaꞌ, ahuëtopiquë chimiinaꞌ.

Oseas 6:5

Napoaton pënëntonaꞌpiroꞌsa quëran paꞌsa paꞌsatërëso pochin nitëranquëmaꞌ. Shaꞌhuitopiranquëmahuëꞌ co natëramacohuë niꞌton, tëpatë pochin nitëranquëmaꞌ. Oꞌcori huënshaꞌ, taꞌsochachin huira ahuëtërin. Inapochachin carimanta anaꞌintohuatënquëmaꞌ, co oshataponquëmahuëꞌ.

Números 14:45

Naporoꞌ amaricoroꞌsaꞌ, cananoꞌsaꞌ, inapita ninanonëna quëran pipirahuatonaꞌ, israiroꞌsa ahuëimapi. Nitaꞌatohuachinara Orma ninanoquë huarëꞌ imaquimapi. Naporoꞌ israiroꞌsa ahuëatona canamiatopi.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Apocalipsis 16:6

Naꞌa imarinënsopita tëpapi. Noya pënëntopirinahuëꞌ, tëpapi niꞌton, iꞌhuërëtaton, anaꞌintaran. Iiroꞌsaꞌ huënaiꞌ atarantëran niꞌton, ina tërantaꞌ oꞌocaisoꞌ yaꞌhuërin. Noꞌtëquën anaꞌintaran,” itërin.

Apocalipsis 18:6

Aꞌnapita aparisitopi niꞌton, noꞌtëquën anaꞌintacasoꞌ yaꞌhuërin. Naꞌcon naꞌcon iꞌhuërëtacasoꞌ yaꞌhuërin. Paꞌpi co noyahuëꞌ nipi.

1 Samuel 10:8

Naporahuaton Quiricaroquë quëchitaton paquëꞌ. Inaquë cantaꞌ, oshaquëranchin paꞌsarahuë. Inaquë Sinioro marëꞌ maꞌsharoꞌsa tëparahuato yaꞌipi ahuiquitarahuë. Aꞌnaquëontaꞌ, nanan anoyatërëhuaso marëꞌ maꞌsharoꞌsa tëparahuato, piꞌpian ahuiquitarahuë. Inaquë canchisë tahuëri ninaco. Cancona huarëꞌ ninaco. Naporoꞌ shaꞌhuitaranquën maꞌsona nicacaso yaꞌhuërinsoꞌ, itërin.

1 Samuel 15:32

Ina quëran Samoirosoꞌ camaitaton: —Amarico copirno Acaco itopisoꞌ quëshico, tënin. Napohuachina quëshiipi. “Israiroꞌsa aparisitatonaco tëpainacoso yaꞌhuërin naporini, nani tëpaꞌitonacohuëꞌ,” tënin yonquinënquë. Ina yonquiaton co mácancayan quëranhuëꞌ huëꞌnin.