1 Samuel 15:32 - Chayahuita (Shahui)

³² Ina quëran Samoirosoꞌ camaitaton: —Amarico copirno Acaco itopisoꞌ quëshico, tënin. Napohuachina quëshiipi. “Israiroꞌsa aparisitatonaco tëpainacoso yaꞌhuërin naporini, nani tëpaꞌitonacohuëꞌ,” tënin yonquinënquë. Ina yonquiaton co mácancayan quëranhuëꞌ huëꞌnin.

1 Samuel 15:32 ပူးပေါင်းရင်းမြစ်များ

Oseas 6:5

Napoaton pënëntonaꞌpiroꞌsa quëran paꞌsa paꞌsatërëso pochin nitëranquëmaꞌ. Shaꞌhuitopiranquëmahuëꞌ co natëramacohuë niꞌton, tëpatë pochin nitëranquëmaꞌ. Oꞌcori huënshaꞌ, taꞌsochachin huira ahuëtërin. Inapochachin carimanta anaꞌintohuatënquëmaꞌ, co oshataponquëmahuëꞌ.

1 Tesalonicenses 5:3

Co imapisopitasohuëꞌ oꞌmantacasoꞌ tahuëri co yonquipihuëꞌ. “Noya yaꞌhuarëhuaꞌ, co mantaꞌ onpoarihuahuëꞌ,” topirinahuëꞌ. Aꞌnanaya chiníquën anaꞌintacasoꞌ naniarin, co chaꞌësapihuëꞌ. Sanapi yahuaihuachina, onporosona iquitacasoꞌ co nitotërinhuëꞌ. Aꞌnanaya iquitërin. Inapochachin aꞌnanaya Yosëri anaꞌintarin.

Apocalipsis 18:7

Pita nicacaisoáchin cancantopi. Maꞌsharáchin yonquiatonaꞌ, aꞌnapita nocanpi niꞌton, Yosëri aparisichin. Iporasoꞌ cancanëna quëran yonquirapi. “Quiyasoꞌ nóya yaꞌhuërai. Huaꞌan pochin nicatoi, co mantaꞌ pahuantërincoihuëꞌ. Co quëyoron pochincoihuëꞌ. Co onporontaꞌ sëtaraihuëꞌ,” topirinahuëꞌ.

Jueces 8:11

Inotëro intontaquëchin ira paꞌninsoꞌ Quitionosoꞌ paꞌtërin. Nopa, Copia, inapita ninanoroꞌsa piꞌi pipirinso parti quëran acorahuaton, sontaronënpitarë chachin inimicoroꞌsa imarin. Nincantoonahuaton ahuërin. Co manta yonquiasoihuëꞌ, ahuërin.

1 Samuel 15:31

Napotohuachina, Samoirosoꞌ Saonorë chachin Quiricaro ninanoquë panantapi. Inaquë nipachinara, Saonosoꞌ Yosë chinotërin.

1 Samuel 15:33

Samoiroriso napoaponahuëꞌ, itapon: —Sahuëninën quëran notohuaroꞌ piyapiꞌsa tiquiran. Napoatona aꞌshina saꞌahuapi. Inapita saꞌahuapiso pochin mamaparinta quëparitapon, itërin. Itahuaton, sahuëniquë tëparin. Sinioro camaitërinso chachin nitahuaton yaquirin. Quiricaroquë naporin.