1 Samuel 15:31 - Chayahuita (Shahui)

³¹ Napotohuachina, Samoirosoꞌ Saonorë chachin Quiricaro ninanoquë panantapi. Inaquë nipachinara, Saonosoꞌ Yosë chinotërin.

1 Samuel 15:31 ပူးပေါင်းရင်းမြစ်များ

2 Samuel 12:20

Ina natanahuaton, huanirin. Amarahuaton nitaparin. Pimóton nininsoꞌ pashirin. Naporin. Inapo nitaparahuaton, Yosë caposonën acocaso marëꞌ nëꞌmëtë pëi nipiquë yaꞌconin. Inaquë Yosë chinotahuaton, pëinënquë paantarin. Capacaso natantohuachina, acotiipi caꞌnin.

1 Samuel 15:26

Napotopirinhuëꞌ, Samoiroriso itaantarin: —Co quëmaroꞌco panantapohuëꞌ. Sinioro camairinquënso nocananso marëꞌ, iporasoꞌ inantaꞌ, quëma Israiro copirno nisápamasoꞌ nocaninquën, itërin.

1 Samuel 15:30

Napotohuachina Saono taantarin: —Caso oshahuanahuë. Napopirahuëꞌ, onpopiontaꞌ, ansianoꞌsaꞌ, aꞌnapita israiroꞌsaꞌ, inapita niꞌtonënquë noya niꞌcoꞌ. Noya nicatonco natëco. Napoaton carëꞌquën Sinioro chinotacaso marëꞌ panantaꞌa. Inasoꞌ Yosë quëmari chinotëransoꞌ, itërin.

1 Samuel 15:32

Ina quëran Samoirosoꞌ camaitaton: —Amarico copirno Acaco itopisoꞌ quëshico, tënin. Napohuachina quëshiipi. “Israiroꞌsa aparisitatonaco tëpainacoso yaꞌhuërin naporini, nani tëpaꞌitonacohuëꞌ,” tënin yonquinënquë. Ina yonquiaton co mácancayan quëranhuëꞌ huëꞌnin.