1 Samuel 15:3 - Chayahuita (Shahui)

³ Napoaton sontaronënpitarëꞌquën paaparahuaton ahuëontaquëꞌ. Yaꞌipi maꞌsha yaꞌhuëtopisorë chachin ataꞌhuantocoꞌ: Quëmapiꞌsaꞌ, sanapiꞌsaꞌ, huaꞌhuaroꞌsaꞌ, inapita ataꞌhuantocoꞌ. Nasha huaꞌhuatopisopitantaꞌ, inapotocoꞌ. Tororoꞌsaꞌ, ohuicaroꞌsaꞌ, camiyoroꞌsaꞌ, moraroꞌsaꞌ, yaꞌipi inapitantaꞌ, ca marëꞌ tiquicoꞌ,” tënin Yosë, itërin.

1 Samuel 15:3 ပူးပေါင်းရင်းမြစ်များ

Génesis 36:12

Inapitasoꞌ Ata aminpita. Iripasisoꞌ, aꞌna cosonanën yaꞌhuëtërin Timona itopi. Inaquëya huiꞌnahuanpachina, Amarico itërin.

2 Samuel 1:8

Napotohuatora, inaso nataninco: “¿Ma piyapinquënta quëmasoꞌ?” itërinco. “Caso amaricoco,” itërahuë.

Éxodo 17:14

Ina quëran Yosëri, Moisësë itapon: —Quirica masahuaton, amaricoroꞌsapitarëꞌquëma niahuëramasoꞌ, inaquë ninshitëquëꞌ. Ama insonta naniantacaso marëhuëꞌ ninshitëquëꞌ. Cosointa shaꞌhuitëquëꞌ. Naporin Yosë: “Ca nohuanto amaricoroꞌsaꞌ, taꞌhuantaponaꞌ. Napoaton co huachi inso tëranta inapita yonquiapihuëꞌ,” tënin, itëquëꞌ.

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Números 24:20

Amaricoroꞌsa yaꞌhuëpiquë notërahuaton, Yosë yonquirinso shaꞌhuiantarin: “Amaricoroꞌsasoꞌ, chini chiníquënoꞌsaꞌ. Napopirinahuëꞌ, israiroꞌsari noyá ataꞌhuantapon,” tënin.

1 Samuel 14:48

Panca huënton sontaroꞌsa yontonahuaton, Saonosoꞌ amaricoroꞌsanta minsërin. Inapoaton, israiroꞌsa ihuatë huëntonoꞌsa quëran nichaꞌërin.

1 Samuel 15:18

Amaricoroꞌsasoꞌ, co Yosë chinotatonaraihuëꞌ oshahuanpi. Inapita ataꞌhuantacaso marëꞌ Sinioro chachin camairinquën.

1 Samuel 15:9

Napoaponahuëꞌ, Saonoso sontaronënpitarë chachin, Acaco co yatëpapihuëꞌ. Pëꞌtahuaroꞌsa noya noya nipisopitanta co tëpapihuëꞌ. Ohuicaroꞌsaꞌ, tororoꞌsaꞌ, toroaꞌhuaroꞌsa amoshin nipisopita, carniroroꞌsaꞌ, inapitanta co tëpapihuëꞌ. Naporahuaton maꞌsha paꞌton nipisopitanta co ataꞌhuantopihuëꞌ. Naponin nipisopitaráchin ataꞌhuantopi.