1 Samuel 15:2 - Chayahuita (Shahui)

² Siniorosoꞌ yaꞌipi nanitaparin. Ina chachin iso pochin nanan aꞌpatërinquën: “Quëmá quëran amaricoroꞌsa anaꞌintaꞌhuasoꞌ yonquirahuë. Iráca Iquipito quëran israiroꞌsa pipihuachinara, inapitari ahuëimapi.

1 Samuel 15:2 ပူးပေါင်းရင်းမြစ်များ

Génesis 36:12

Inapitasoꞌ Ata aminpita. Iripasisoꞌ, aꞌna cosonanën yaꞌhuëtërin Timona itopi. Inaquëya huiꞌnahuanpachina, Amarico itërin.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Amós 8:7

Inaporamaso marëꞌ Sinioro tapon: “Caso Sinioroco niꞌto, israiroꞌsanquëma chinotopiramacohuëꞌ, co onporonta naporamaso naniantarahuëꞌ.

Números 24:20

Amaricoroꞌsa yaꞌhuëpiquë notërahuaton, Yosë yonquirinso shaꞌhuiantarin: “Amaricoroꞌsasoꞌ, chini chiníquënoꞌsaꞌ. Napopirinahuëꞌ, israiroꞌsari noyá ataꞌhuantapon,” tënin.