1 Samuel 15:16 - Chayahuita (Shahui)

¹⁶ Itapirinhuëꞌ, Samoirori itapon: —¡Taꞌtëquëꞌ, achin tashi Sinioro anitotërincoso shaꞌhuichinquën! itërin —Shaꞌhuitoco nipachin, tënin Saono.

1 Samuel 15:16 ပူးပေါင်းရင်းမြစ်များ

1 Reyes 22:16

—“Sinioro niꞌsárinco noꞌtëquën shaꞌhuitaranquën,” taꞌton noꞌtëquën shaꞌhuitoco. Nani naꞌaro shaꞌhuitëranquën ina pochin nontancosoꞌ, itaantarin Acapori.

1 Samuel 12:7

Iporasoꞌ noya natanco: Sinioronta niꞌsárinco niꞌton, noꞌtëquën ayonquiꞌinquëmaꞌ: “Ina catahuaarinpoaꞌ,” taꞌtomaꞌ, co copirno natanamaso nipirinhuëꞌ. Ina natantatomaꞌ, oshahuanamaꞌ. Paꞌa carinquëma Sinioro nosoroatonpoa catahuarinpoasoꞌ, ayonquiꞌinquëmaꞌ. Shimashonënpoapitanta catahuarinsoꞌ ayonquiꞌinquëmaꞌ.

1 Samuel 15:15

—Inapitasoꞌ amaricoroꞌsa yaꞌhuëpi quëran quëpisoꞌ. Sontaronëhuëpitari ohuicaroꞌsaꞌ, ohuacaroꞌsaꞌ, inapita noya noya nininsoꞌ mapi. Sinioro chinotacaso marëꞌ mapi. Inaso Yosë, quëmari chinotëransoꞌ. Aꞌnapitaso napoaponahuëꞌ, yaꞌipi tiquirai, itërin.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.

1 Samuel 9:27

Ninano aipiran yanohuaramahuachinara Samoirori Saono itapon: —Piyapinën camaiquë quëchitotaꞌin. Quëmaso nipirinhuëꞌ, piꞌpian ninaco. Maꞌsona Yosë tëninso shaꞌhuichinquën, itërin.