1 Samuel 15:1 - Chayahuita (Shahui)

¹ Aꞌna tahuëri Samoirori Saono itapon: —Israiroꞌsasoꞌ Sinioro piyapinënpita. Ina aꞌparinco niꞌton, inapita huaꞌanëntamaso marëꞌ acoranquën. Iporasoꞌ maꞌsona ina nohuantërinsoꞌ shaꞌhuitaranquën natëcaso marëꞌ.

1 Samuel 15:1 ပူးပေါင်းရင်းမြစ်များ

2 Reyes 7:1

Napotiihuachina, Irisiori itapon: —Sinioro naporinso shaꞌhuichinquën natanquëꞌ: “Tashiraya ipora pochin co huachi cosharo paꞌtarinhuëꞌ. Cara quiro tricoroꞌmo, sipataroꞌmonta saota quiro nipirinhuëꞌ, aꞌnaíchin coriqui prata quëran nininsoꞌ paꞌtapon. Iso ninano yaꞌcoanaquë ina nápo marëꞌ nipaꞌantaramaꞌ,” tënin, itërin.

1 Samuel 10:1

Naporoꞌ Samoirosoꞌ, toma taparinsoꞌ manin. Masahuaton Saono opomototërin. Napotahuaton apinorin. Ina quëran itapon: —Sinioro chachin israiroꞌsa huaꞌanëntacaso marëꞌ ipora tahuëri acorinquën. Quëmari huaꞌanëntahuaton, yaꞌipi inimiconënpita quëran nichaꞌësaran. Piyapinënpita huaꞌanëntacaso marëꞌ Yosë acorinquën. Ina nitotamaso marëꞌ apira shaꞌhuitaranquënsopita yaꞌipi naniarin:

1 Samuel 12:14

Sinioro noya nicatoma natëcoꞌ. Inasáchin chinotatomaꞌ, nohuantërinsoꞌ natancoꞌ. Camaitërinsopita noꞌtëquën natëtocoꞌ. Inapoatomaꞌ, copirnonëmarëꞌquëma chachin Sinioro nohuantërinso nicoꞌ. Inaso Yosënënpoa niꞌton, inapocoꞌ. Inapohuatamaꞌ, noya yaꞌhuaramaꞌ.

1 Samuel 13:13

Napotohuachina Samoirori itapon: —¡Co noꞌtëquën yonquiatonhuëꞌ naporan! Yosë nani camairinquën maꞌsona noya nicacasoꞌ. Ina noꞌtëquënáchin natëran naporini, ina nohuanton quëmasáchin israiroꞌsa huaꞌanënchitonhuëꞌ. Quëmá quëran pipipisopitanta inapita huaꞌanënchitonahuëꞌ. Co aꞌnapitari huaꞌanënchitonahuëꞌ.

1 Samuel 9:15

Iꞌhuara pochin Samoirosoꞌ nani Siniorori iso pochin anitotërin:

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.