1 Samuel 14:45 - Chayahuita (Shahui)

⁴⁵ Inaso napopirinhuëꞌ, yaꞌipi Israiro sontaroꞌsari huanirahuatona itaponaꞌ: —¡Co Conatan chiminacaso yaꞌhuërinhuëꞌ! ¡Ina caniaritërin niꞌton, inimiconënpoa minsërëhuaꞌ! ¡Co ina pochin nicacaso yaꞌhuërinhuëꞌ! ¡Sinioro nanpiárin nichinapon chachin co nohuantëraihuëꞌ Conatan maꞌsha onpocasoꞌ! Inari mini catahuarin niꞌton, naporinsoꞌ, itopi. Napotatonaꞌ, Conatan nichaꞌëpi.

1 Samuel 14:45 ပူးပေါင်းရင်းမြစ်များ

1 Reyes 1:52

Napotohuachina Saromoni itapon: —Noya nipachinsoꞌ, co manta onpotarahuëꞌ. Napoaponahuëꞌ, co noyahuëꞌ nininsoꞌ nitotohuato, chiminapon, tënin.

Nehemías 9:27

Napoaton inimiconënapitari canaipi. Inapitari huaꞌanëntatona aparisitopi. Parisitatona nontohuachinën, quëmarisoꞌ nosoroantaran. Inápa quëran natanahuaton, catahuaran. Quëma nohuanton huaꞌanoꞌsa huanipi. Aparisitopisopita aꞌpacaiso marëꞌ huanipi.

Mateo 10:30

Canpoaso nipirinhuëꞌ naꞌcon naꞌcon aꞌpairinpoaꞌ. Yaꞌipinpoaꞌ aꞌnaya aꞌnayanpoaꞌ yonquirinpoaꞌ. Ainënpoaꞌ huaꞌhuayátërahuë nipirinhuëꞌ, yaꞌipiya pichirin. Napoaton ama tëꞌhuacosohuëꞌ. Niꞌsárinpoaꞌ.

Lucas 21:18

Napoaponahuëꞌ, Yosë niꞌsarinquëmaꞌ Co inquëma tërantaꞌ chimimiataramahuëꞌ.

Hechos 15:12

Ina natanahuatonaꞌ, “Noꞌtëquën nonin,” taꞌtonaꞌ, taꞌtápi. Ina quëran Pirnapi, Paono, inapitantaꞌ shaꞌhuitantapi: “Iꞌhua paꞌpatoira, Yosë naꞌcon catahuarincoi. Quisoso nanamën shaꞌhuitohuatoira, naꞌa nisha piyapiꞌsari natëpi. Inapitantaꞌ caniohuachinara, Yosë nohuanton, anoyatëraꞌpiarai. Niꞌsahuatonaꞌ, ‘Tëhuënchachin Yosëri catahuarin,’ topi,” tënin Paono.

Hechos 21:19

“Huëꞌcama, iyaroꞌsaꞌ,” itahuaton, Paonori itantapon: “Nani huaꞌquiꞌ Quisocristo nanamën aꞌchinahuë. Nisha piyapiꞌsaꞌ aꞌchintëraꞌpiarahuë. Yosë catahuarincoi niꞌton, noya natanatonaꞌ, naꞌa imasapi huachi,” itërin. Yaꞌipi aꞌchininsoꞌ shaꞌhuitërin.

Hechos 27:34

Napoaton coshatoco huachi chiniamaquëmaꞌ. Co chimiitarihuahuëꞌ. Co mantaꞌ onpoarihuahuëꞌ, itërincoi.

Romanos 15:18

Quisocristo noya catahuahuachincora, nisha nisha piyapiꞌsaꞌ aꞌchintërahuë. Ina nohuanton, noya ninahuë niꞌton, natëpi. Co catahuarincohuëꞌ naporini, co imaitonahuëꞌ. Napoaton inasáchin shaꞌhuitaranquëmaꞌ.

1 Corintios 3:9

Quiyasoꞌ Yosë aꞌparincoi ina marëꞌ sacataꞌhuaisoꞌ. Canpitaso nipirinhuëꞌ Yosë shaꞌtërinso pochin ninamaꞌ. Naporahuaton, Quisocristo imaramaꞌ niꞌton, Yosë pëinën pochin ninamaꞌ.

2 Corintios 6:1

Yosë acorincoi nanamën aꞌchinaꞌhuaiso marëꞌ. Acoatoncoi, catahuarincoi aꞌchintaꞌhuainquëmaso marëꞌ. “Yosë nosoroatonpoaꞌ, yanichaꞌërinpoaꞌ,” itërainquëmaꞌ. Ama topinan quëran natancosohuëꞌ. Imaco huachi.

Apocalipsis 17:14

Inapitasoꞌ Carniroaꞌhua yaminsëatonaꞌ, quira nisapirinahuëꞌ, co nanitapihuëꞌ minsëcaisoꞌ. Inari minsëapon. Inasoꞌ Quisocristo chachin. Chini chiníquën nanantarin niꞌton, yaꞌipiya huaꞌanëntarin. Inasáchin natëcasoꞌ yaꞌhuërin. Piyapinënpitari imasapi. Yosëri huayonin niꞌton, natëmiatapi,” itërinco anquëni.

Apocalipsis 19:14

Notohuaroꞌ inápaquë yaꞌhuërinsopitari imasapi, huiríchin aꞌmopisoꞌ. Inapitantaꞌ huiri cahuarioroꞌsaꞌ aipi huënsëatonaꞌ, sontaroꞌsa pochin paꞌsapi.

1 Samuel 11:13

Napopirinahuë Saonori itapon: —Sinioro ipora tahuëri israiroꞌsanpoa nichaꞌërinpoaꞌ. Napoaton ipora tahuëri co insonta aquëtë tëpacaiso yaꞌhuërinhuëꞌ.

1 Samuel 14:23

Naporoꞌ niahuëpisoꞌ, ahuëtërëꞌnaichin Piti-apinquë huarëꞌ nincanpi. Ina pochin naporo tahuëri Siniorori israiroꞌsa nichaꞌërin.

1 Samuel 14:46

Saonosoꞌ huistino sontaroꞌsa tananpitërin. Tananpitohuachina, inahuaso yaꞌhuëpiꞌpaꞌ paantapi.

1 Samuel 19:5

Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.