1 Samuel 14:36 - Chayahuita (Shahui)

³⁶ Ina quëran Saono taantarin: —Huëco paꞌmatëhua huiristinoꞌsa imaantaꞌahuaꞌ. Yaꞌipi maꞌshanëna matahuaꞌ. Tahuëriquë huarëꞌ ama aꞌnaya tëranta nichaꞌëahuasohuëꞌ, tënin. Napohuachina yaꞌipiya quëran napotopi: —Quëma topatan, paꞌa imahuaꞌ, itopi. Napopirinahuë Aiasi corto huaꞌansoꞌ tapon: —Coꞌhuara paꞌshátërasëhuahuëꞌ, Yosëꞌton natahuan, tënin.

1 Samuel 14:36 ပူးပေါင်းရင်းမြစ်များ

Salmos 73:28

Caso nipirinhuëꞌ, nohuitaꞌhuanquënsoráchin cancantarahuë. Ina pochin cancantohuato, noya noya nisarahuë. Quëma huaꞌanëntatonco paꞌpoyaranco. Napoaton yaꞌipi naporansopita shaꞌhuirápo.

Isaías 58:2

Isopochin shaꞌhuitëquëꞌ: ‘Canpitaso nani tahuëri yonquiramaco. Imatomaco onpopinsona nanpicamasoꞌ nitotëramaꞌ. Napoaton noya cancantaramaꞌ. Noyasáchin ninaꞌpiroꞌsa pochin ninamaꞌ. Camaitërahuësopitantaꞌ, co naniantëramasohuë pochin ninamaꞌ. Noꞌtëquënáchin pënënaꞌhuanquëmasoꞌ nohuantëramaꞌ. Natëtomaco noya ancantëramaso pochin ninamaꞌ.

Malaquías 2:7

Ina pochin mini corto huaꞌanoꞌsasoꞌ, piyapiꞌsa aꞌchintacaiso yaꞌhuërin. Aꞌchintohuachinaꞌ, nohuitarinaco huachi. Yaꞌipi piyapiꞌsa inapitari aꞌchintacaiso marëꞌ paapacaiso yaꞌhuërin. Ca Sinioroco yaꞌipi nanitaparahuësoꞌ, inapita quëran anitotaranquëmaꞌ.

Números 27:21

Napoaponahuëꞌ, Cosoi huaꞌan yaꞌconaton maꞌsona yanipachin, Iriasaro corto huaꞌanquë paꞌsarin. Inari huachi Cosoi yaꞌhuërënamën shaꞌhuitaꞌhuaso marëꞌ Orin quëran natanaponco. Anitotërahuëso chachin Cosoiri israiroꞌsa camaiapon, itërin.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.

1 Samuel 11:11

Tahuëririnquë Saonosoꞌ, sontaronënpita cara huënton acorin. Naporahuaton coꞌhuara tahuëriyátërasohuëꞌ, inimicoroꞌsa yaꞌhuëapiquë yaꞌcontonpi. Napotatona paꞌpi notohuaroꞌ Amon sontaroꞌsa tiquipi. Camotëchin huarëꞌ ahuëatona napotopi. Caraíchin co tëpapisopitahuëꞌ ayanquëëtopi. Napoaton aꞌnaya aꞌnaya taꞌapi.

1 Samuel 14:3

Corto huaꞌan Aiasi itopisonta Saonorë nisarin. Inachintërin niꞌton, ipoto itopisoꞌ aꞌmorahuaton Yosë marëꞌ Siroquë sacatërin. Aiasisoꞌ, Aitopo huiꞌnin. Inanta Huinisi huiꞌnin. Huinisënta Iri huiꞌnin. Icapotintaꞌ, Aiasi apin. Conatan catahuarinsoarë ahuëtapona paꞌpisoꞌ, co aꞌnapita Israiro sontaroꞌsasoꞌ nitotopihuëꞌ.