1 Samuel 14:24 - Chayahuita (Shahui)

²⁴ Naporo tahuëri israiroꞌsari huiristinoꞌsa canapi. Napoaponahuëꞌ, coꞌhuara ahuëchátërasoihuëꞌ, Saonoso piyapinënpita camairin: “Ipora tahuëri inimiconëhuëpita iꞌhuërëtaꞌhuaso yaꞌhuërin. Coꞌhuara inapochátërasohuëꞌ insosona coshatohuachin, Yosëri anaꞌinchin. Yoscoarëꞌ inapochin,” tënin. Ina tëꞌhuatatona Israiro sontaroꞌsasoꞌ, co coshatopihuëꞌ. Inapo ahuëtatonaꞌ, paꞌpi canotopi.

1 Samuel 14:24 ပူးပေါင်းရင်းမြစ်များ

Números 21:2

Inapotohuachinara, israiroꞌsaso Sinioro nontatona itaponaꞌ: “Cananoꞌsa minsëaꞌhuaisoꞌ catahuahuatancoi, ninanonënapita ataꞌhuantomiatarai,” itopi.

Romanos 10:2

Tëhuënchachin Yosë yachinotopirinahuëꞌ, co nanamën noꞌtëquën yonquipihuëꞌ.

1 Corintios 16:22

Insosona co Sinioro Quisocristo nosorohuachinhuëꞌ, Yosëri anaꞌinchin. ¡Aꞌnaroáchin Sinioro oꞌmantaquëꞌ! tënahuë.

Josué 6:26

Ina quëran Cosoisoꞌ, iso pochin shaꞌhuirin: “Inso tëranta Quirico ninano anoyataantahuachin, Siniorori chachin ama huachi noya yaꞌhuëcaso marëhuëꞌ shaꞌhuitaton anaꞌinchin. Simintonën acoasoꞌ, huiꞌnin paninatërinsoꞌ chimiin. Ninano pairapipisoꞌ yaꞌcoanaroꞌsanta acoasoꞌ, huiꞌnin huinsho nininsoꞌ yaꞌhuërëꞌ chimiantaꞌin. Yoscoarëꞌ inapoarin,” tënin.

Jueces 5:2

Yaꞌipinquëma Sinioro chinotocoꞌ. Israiro nacionquë quëmapi nipisopita yaꞌhuërarin niꞌton, chinotocoꞌ. Quëmapiꞌsa niꞌtonaꞌ, ipora huanta yaahuëtapi. Huaꞌanëni ina marëꞌ përapachina: “Noyapaꞌ. Huëco paꞌahua nipachin,” topi.

1 Samuel 14:25

Inimicoroꞌsa imasápatona Israiro sontaroꞌsasoꞌ, aꞌna tananaꞌhuayaquë canconpi. Inaquë ninoiꞌ noꞌpaquë anpoiárin quënanpi. Yaꞌhuërin quëran huiꞌshirápaton naporin. Nicaponaraihuëꞌ co insoari tëranta yapiꞌnirinhuëꞌ. Saono Yoscoarëꞌ tëninsoꞌ tëꞌhuatatona napopi.

1 Samuel 14:39

Siniorosoꞌ nichaꞌërinpoaꞌ. Ina niꞌsárinco niꞌton, noꞌtëquën shaꞌhuitaranquëmaꞌ. Huiꞌnahuë tëranta tëhuërin nipachin, chiminarin, itërin. Napotopirinhuëꞌ, co insoari tëranta aꞌpanirinhuëꞌ.