1 Samuel 14:20 - Chayahuita (Shahui)

²⁰ Saonosoꞌ sontaronënpitarë chachin aꞌnaroáchin niyontoantapi. Niyontonatonaꞌ, ahuëtacaiso marëꞌ pashica topi. Huiristinoꞌsasoꞌ, aquë aquëtë huaꞌyantopi. Huaꞌyantatonaꞌ, inahuara capini nitahuërëtopi quëran nitëparapi huachi.

1 Samuel 14:20 ပူးပေါင်းရင်းမြစ်များ

1 Samuel 14:16

Saonosoꞌ sontaronënpita aꞌnaquën aꞌpaitacaiso marë acorin. Inapitarinta huistino sontaroꞌsa paꞌyanatona taꞌarapisoꞌ quënanpi. Saono shaꞌhuitohuachinara, inaso tapon: “¿Aꞌnaquën sontaronëhuëpitari ahuërapi niꞌton, taꞌaramarai ti?” tënin.

1 Samuel 9:16

“Tashiraya ipora pochin aꞌnara Mincamin huënton quëmapi aꞌpatiaranquën. Ina masahuaton israiroꞌsa huaꞌanën nicacaso marëꞌ acoaran. Huiristinoꞌsari piyapinëhuëpita huaꞌanëntápirinahuëꞌ, inari nichaꞌësarin. Inapitari aparisitopiso marëꞌ chiníquën nontërinaco niꞌton, nosoroantarahuë,” itërin.