1 Samuel 14:18 - Chayahuita (Shahui)

¹⁸ Naporo tahuëri corto huaꞌan inaquë nisarin. Napoaton, Saonosoꞌ coꞌhuara ahuëchátëraponhuëꞌ, Yosë yanatanin. Corto huaꞌani ipoto aꞌmosahuaton natanacaso niꞌton, Aiasi corto huaꞌan përarin: —Ipoto quëcaton Yosë natanquë nohuantërinsoꞌ anitochinpoaꞌ, itërin.

1 Samuel 14:18 ပူးပေါင်းရင်းမြစ်များ

2 Samuel 11:11

Copirnori napotohuachina, inariso itapon: —Yosë chinotërëhuaso caposonën, yaꞌipi Israiro sontaroꞌsaꞌ, Cota huënton sontaroꞌsaꞌ, inapitaso co pëianaquë yaꞌhuëapihuëꞌ. Topinan imënamëaꞌhuaroꞌsaquë yaꞌhuëapi. Huaꞌanëhuë Coapo itopisoꞌ, aꞌnapita huaꞌanoꞌsa acoransopita, inapitanta aipiran huëꞌësapi. Napoaton caso co nanitërahuëꞌ pëinëhuëquë yaꞌconato, yashi yashin chinotaꞌhuasoꞌ. ¿Coshatato, oꞌoto, saꞌahuëroꞌco nicato, capa cancanchi ti? ¡Co onporonta caso sinioro copirno inapochin nisarahuë! itërin.

Números 27:21

Napoaponahuëꞌ, Cosoi huaꞌan yaꞌconaton maꞌsona yanipachin, Iriasaro corto huaꞌanquë paꞌsarin. Inari huachi Cosoi yaꞌhuërënamën shaꞌhuitaꞌhuaso marëꞌ Orin quëran natanaponco. Anitotërahuëso chachin Cosoiri israiroꞌsa camaiapon, itërin.

1 Samuel 14:17

Napoaton sontaronënpita camairin: —Insosona pahuaninsoꞌ nitotacaso marëꞌ yaꞌipinquëma niyontonatoma nipichico, itërin. Napotohuachina nipichipi. Napohuachinara Conatan catahuarinsoarë chachin nohuanpi.

1 Samuel 14:36

Ina quëran Saono taantarin: —Huëco paꞌmatëhua huiristinoꞌsa imaantaꞌahuaꞌ. Yaꞌipi maꞌshanëna matahuaꞌ. Tahuëriquë huarëꞌ ama aꞌnaya tëranta nichaꞌëahuasohuëꞌ, tënin. Napohuachina yaꞌipiya quëran napotopi: —Quëma topatan, paꞌa imahuaꞌ, itopi. Napopirinahuë Aiasi corto huaꞌansoꞌ tapon: —Coꞌhuara paꞌshátërasëhuahuëꞌ, Yosëꞌton natahuan, tënin.

1 Samuel 5:2

Inaquë nipachina, Tacon itopisoꞌ mamanshi moshacaiso pëiquë poꞌmoonpi. Ina nonanpisoꞌ pirayan acopi.

1 Samuel 7:1

Napotohuachinara, inahuaso paꞌsahuatonaꞌ, Sinioro caposonën macontapi. Yaꞌhuëpiꞌpaꞌ quëparahuatonaꞌ, Apinatapo itopisoꞌ pëinënquë poꞌmontapi. Inaso pëinën, motopiaꞌhuayaquë yaꞌhuërin. Inapotahuatonaꞌ, huiꞌnin Iriasaro itopisoꞌ Sinioro caposonën aꞌpaicaso marëꞌ acopi.