1 Samuel 14:15 - Chayahuita (Shahui)

¹⁵ Yaꞌipi huiristinoꞌsa yaꞌhuëapiquë panca paꞌyanpi. Aꞌnapita huëntonoꞌsa ahuëtacaiso marëꞌ paꞌpisopitanta napopi. Naporo chachin noꞌpanta nacontarin. Inapotaton Yosëri huiristinoꞌsa aꞌpayamiatërin.

1 Samuel 14:15 ပူးပေါင်းရင်းမြစ်များ

Génesis 35:5

Paꞌpachinara, Yosë nohuanton, nisha nisha ninanoroꞌsaquë yaꞌhuëpisopita paꞌpi tëꞌhuapi. Napoatona co nanitopihuëꞌ Cacopo huiꞌninpita, imatona iꞌhuërëtacaisoꞌ.

2 Samuel 5:24

Ina nararoꞌsa huiꞌnimotënquë piyapiꞌsa iratërinso pochin natanaramaꞌ. Ina natanpatamaꞌ, ahuëtocoꞌ. Cá chachin quëchitato huiristinoꞌsa tiquiarahuë. Ina nitotamaso marëꞌ ina pochin natanaramaꞌ, itërin.

Salmos 14:5

Inahuasoꞌ, paꞌyanatona ropataponaꞌ. Canpoaso nipirinhuëꞌ, ina imarëhua niꞌton, catahuararinpoaꞌ.

Éxodo 19:18

Pën huáncana Yosë oꞌmarin. Conainta panca orno pochin tomontárin. Panca ocohua paꞌninso pochachin, yaꞌipi motopi nacon nacóntarin.

Mateo 24:6

Nisha nisha parti piyapiꞌsaꞌ ninoꞌhuiapi. Niahuërahuatonaꞌ, quira nisapi. Ina natanpatamaꞌ, ama paꞌyancosohuëꞌ. Yosë nohuanton, naporapi. Napoaponahuëꞌ, co isoroꞌpaꞌ taꞌhuanchátëraponhuëꞌ.

Josué 2:9

—Tëhuënchachin Sinioro yaꞌipi iso noꞌpaꞌ canpita quëtaponquëmaꞌ. Ina nohuanton quiyaso paꞌpi tëꞌhuatërainquëmaꞌ. Yaꞌipi isëquë yaꞌhuëraisoꞌ, naporai.

Jueces 7:21

Naporahuatonaꞌ, inahuaso inaquëranchin quëparitopi. Yaꞌhuërëꞌ matianoꞌsasoꞌ naní quëran, yaitërëꞌnachin taꞌarapi. Napoasoi cara pasa Israiro sontaroꞌsasoꞌ, carniro pomonëna pihuirápi. Naporoꞌ Sinioro nohuanton co taꞌapisopitasohuëꞌ, inahuara capini niahuërapi. Aꞌnaquënsoꞌ, pëꞌnatë parti taꞌapi. Aꞌnaquëontaꞌ, Piti-sita ninanoquë huarëꞌ canconpi. Inaso ninanoꞌ, Sirira ninanoquë ira paꞌninso parti yaꞌhuërin. Yaꞌhuërëꞌ aꞌnapitasoꞌ, Apiri-miora ninano noꞌpaꞌ maninquë huarëꞌ taꞌapi. Ina pirayan Tapata ninanonta yaꞌhuërin.

1 Samuel 13:17

Huiristino sontaroꞌsa yaꞌhuëapi quëran cara huënton sontaroꞌsa pipirin. Inapitasoꞌ, ahuëtacaiso marëꞌ itohua itohua paꞌpi. Aꞌna huëntonsoꞌ, Opara ninanoquë paꞌnin. Inaso ninanoꞌ, Soaro parti yaꞌhuërin.

1 Samuel 13:18

Aꞌna huëntontaꞌ, Piti-oron ninanoquë paꞌnin. Yaꞌhuërëꞌ aꞌna huëntonsoꞌ, Sipoin motopiana quëran motopiaꞌhua pantarinquë paꞌnin. Inotëro parti ira paꞌninꞌpaꞌ inasoꞌ.

1 Samuel 13:23

Napoasoi aꞌna huëntonaca huiristino sontaroꞌsa Miquimasi motopitaëchin paꞌsapi.

1 Samuel 14:14

Naporo Conatansoꞌ, catahuarinsorë chachin cato shonca pochin inimicoroꞌsa tëpapi. Co panca roꞌchaquëhuë nipirinhuëꞌ, napopi.

1 Samuel 14:16

Saonosoꞌ sontaronënpita aꞌnaquën aꞌpaitacaiso marë acorin. Inapitarinta huistino sontaroꞌsa paꞌyanatona taꞌarapisoꞌ quënanpi. Saono shaꞌhuitohuachinara, inaso tapon: “¿Aꞌnaquën sontaronëhuëpitari ahuërapi niꞌton, taꞌaramarai ti?” tënin.